Рейтинг@Mail.ru
Интернет магазины
 
Iздеу:
Қазақша
Русский
English
 
 
Жезказган каласы аким аппараты > Әкім аппараты > ММ туралы жалпы мәлімет > Ортақ тұжырымдама 100%
 
 
 
 
Аты:
Пароль:
Регистрация
Жаңалықтар...
«ҰЛЫ ЖЕҢІСТІҢ ҰРПАҚТАРЫМЫЗ»
«ҰЛЫ ЖЕҢІСТІҢ ҰРПАҚТАРЫМЫЗ» Ұлы Жеңіске 70 жыл толуына орай қалалық «Ардагерлер ұйымы» қоғамдық бірлестігі мен №3 орта мектептің ұйымдастырған іс-шарасы «Ұлы Жеңістің  ұрпақтарымыз» деп аталды.   Мерекелік шара соғыс ардагерлерін құрметтеп, төрге шығарып, ұлықтаудан басталды. Қонақтар білім ошағының Ұлы Отан соғысына арналған музейін аралап, жәді-герлерді тамашалады. Одан кейін қалалық ардагерлер кеңесінің төрағасы Айып Байқасынов сөз алып, қарт майдангерлерге әлі де ұзақ өмір сүрулеріне тілектестігін білдірді.  Мерекелік шараға соғыс ардагерлері – Николай Алпатов, Шахмұрат Әшірбеков, Нина Виноградова және тыл ардагерлері – Қойшыбек Доспанов, Аққағаз Күшкеева, Алексей Соболев, Данил Угаровтар қатысты.  Мектеп оқушылары соғыс жылдарындағы әндерді орындап, ардагерлерге құрмет көрсетті. Мектеп оқушылары шығаратын  білім ошағының «Вежда» газетінің жас тілшілері ардагерлерден сұхбат алды. Мерекелік кеш соңында шараға қатысқан барлық ардагерлерге сыйлық табысталды.   
ЖАҢА СПЕКТАКЛЬДІҢ ДАЙЫНДЫҒЫНА КІРІСТІ
ЖАҢА СПЕКТАКЛЬДІҢ ДАЙЫНДЫҒЫНА КІРІСТІ Биылғы жыл – Қазақ хандығының 550 жылдығы, Ұлы Жеңістің 70 жылдығы, Қазақстан халықтары Ассамблеясының 20 жылдығы сияқты айтулы мерекелер жылы. Осы мерекелер қарсаңында С. Қожамқұлов атындағы Жезқазған қазақ музыкалы-драма театры Халықаралық «Алаш» сыйлығының лауреаты, көрнекті ақын Серік Тұрғынбекұлының  қаламынан туған «Кейкі батыр» пьесасы бойынша спектакльдің дайындығына кірісіп кетті.   Кейкі (Нұрмағамбет) Көкембайұлы – тарихта болған тұлға. Ресей патшасының 1916 жылғы маусым жарлығы себеп болған Торғай қазақтарының ұлт-азаттық көтерілісіне алғашқы күндерден бастап белсене қатысқан, оның мергендер жасағын басқарған, ерлігі ел аузында қалған батыр. 1919 жылы 13 мамырда халық батыры Амангелді Иманов өлтірілгеннен кейін қудалауға ұшыраған Кейкі 1922 жылы 29 наурызда қызыл әскерлер қолынан айуандықпен қаза табады. Жазушы А. Нұрмановтың «Құланның ажалы» романында Құлан, Ғ. Мүсіреповтің «Амангелді» пьесасында Кете батыр ретінде бірліжарым шығармаларда Кейкінің көркем тұлғасы жасалғанмен, тарихта Амангелдімен қатар аталуға тиіс батырдың есімі Кеңестік кезеңнің кесірлі саясатының әсерінен кейінгі ұрпаққа ұзақ уақыт беймәлім болып келді. Жас ұрпақ ел мен жер тарихын, тәуелсіздік үшін атқа қонған ерлердің тағылымды тағдырларын білуге тиіс деген ниетпен арқалы ақын Серік Тұрғынбекұлының аталмыш пьесасы қолға алынды. Спектакльдің қоюшы режиссері – көрерменге А. Волковтың «Меруерт шаһарының сиқыршысы», А. Чупиннің «Аладдиннің сиқырлы шамы» ертегілері, Н. Птушкинаның «Кешікпе, махаббат!» мелодрамасы, Р. Ибраева мен Ғ. Ештанаевтың «Сәкеннің соңғы сәттері» поэтикалық композициясы және жақында премьерасы болған С. Жүнісовтің «Қысылғаннан қыз болдық» музыкалы комедиясы арқылы жақсы таныс театрдың талантты актері Теміржан Әбдірәлім, қоюшы суретшісі Қуат Дүйсенбек. Қазір артистерге рөлдері бөлініп беріліп, пьесаны оқып-талдау жұмысы жүріп жатыр. Спектакль премьерасы мамыр айының басына  белгіленіп отыр.  
«ҚАЛА КЕЛБЕТІ – КӨРНЕКІ АҚПАРАТ»
«ҚАЛА КЕЛБЕТІ – КӨРНЕКІ АҚПАРАТ» Өткен аптада «Жезқазған қаласының мәдениет және тілдерді дамыту бөлімінің «Тілтану» оқу-әдістемелік орталығы» коммуналдық мемлекеттік мекемесі мен «Нұрлы -Ана» қоғамдық бірлестігінің ұйымдастыруымен «Қала келбеті – көрнекі ақпарат» атты дөңгелек стол өткізілді.    Дөңгелек столға Жезқазған университетінің магистранты Ж.Сүлейменова, Жастар бастамалары орталығының маманы А. Ибраш, «Қазақ тілі» қоғамының төрайымы М. Мусина, «Нұрлы-Ана» қоғамдық бірлестігінің белсенді мүшелері Р. Ыдырысова, Ш. Досанова, Р. Әбдікәрімова және студент жастар қатысты.  Дөңгелек стол барысында «Мәдениет және тілдерді дамыту бөлімі» мемлекеттік мекемесінің бас маманы М. Чантуов баяндама жасап, 2014 жылдың қараша-желтоқсан айларында «Көрнекі ақпарат пен жарнамаға – сауаттылық!» атты айлық барысында Жезқазған қаласы бойынша жүргізілген рейд барысына тоқталып өтті. Рейд жұмысының сапалы әрі ықпалды болуы мақсатында арнайы комиссия құрылды. Комиссия құрамына қоғамдық ұйым өкілдері, тіл жанашырлары, жоғары және арнаулы орта оқу орындарының белсенді студенттері енгізілді.  Ақпарат пен жарнамалардың «Қазақстан Республикасындағы Тілдер туралы» Қазақстан Республикасының Заңының және «Жарнама туралы» ҚР Заңының талаптарына сәйкес қаладағы сауда орындарындағы, ғимараттар мен көшелердегі жарнамалар, билбордтар, лайт-бокстарға рейд жұмыстары жүргізілді. Рейд барысында қаладағы 32 шағын және орта бизнес субъектілері тексеріліп, 17 жарнамадан заң бұзушылық анықталып, оның 12 түзетілді. Іс-шараға қатысушылар рейд қорытындысы бойынша жасалған слайдтармен танысып, әрқайсысы өз ой-пікірлерімен бөлісті.  Кеш соңында қатысушылар арнайы шешім шығарып, 2015 жылдың 13 сәуірі мен 13 мамыры аралығында жарияланған «Көрнекі ақпарат пен жарнамаға – сауаттылық!» атты айлық барысында қаламыздағы көрнекі ақпарат пен жарнамалардағы олқылықтарды жою мақсатында фото-байқау жариялауды ұйғарды. Байқау жеңімпаздарының фото-айғақтары жергілікті БАҚ бетіне жарияланатын болды.   
«Болашақтың іргесін бірге қалайық»
«Болашақтың іргесін бірге қалайық» Жезқазған қалалық ішкі саясат бөлімі Жастар бастамалары орталығының ұйымдастыруымен «Болашақтың іргесін бірге қалайық» атты автошеру өтті.   Жезқазған тарихи-археологиялық музейінен бастау алған автошеру Алашахан бойымен қалалық әкімдікке дейін жүріп өтті. Жезқазған қалалық МАИ қызметкерлері бастаған шеруге қалалық мәдениет бөлімі, Ө. Байқоңыров атындағы Жезқазған университеті, Бизнес және көлік,  политехникалық, медициналық, технология және сервис, тау-кен металлургиялық,  музыкалық,  гуманитарлық,  гуманитарлы-индустриялық колледждерінің ұжымы белсене атсалысты. Салтанатты шеруден соң, кеш Алаш алаңына жиналған жастардың флеш-моб биімен жалғасты.   
Кеңгір кемеріне келуде!
Кеңгір кемеріне  келуде! Көктем шыға жезқазғандықтарды алаңдататын басты мәселенің бірі – Кеңгірге судың келу, келмеуі. Мысты шаһардың бар тіршілігі осы жалғыз Кеңгір жасанды су қоймасымен байланысты болса, енді қайтпек. Міне, сол  Кеңгірдің соңғы төрт-бес жыл бойында аңқасы кеуіп, жағадан едәуір алыстап кеткен арнасы  қар суымен толысып, кемері аз ғана уақытта шүпілдеп шыға келді. Жезқазғандықтар бір бірінен сүйінші сұрасуда...   Шынын айту керек, қатардағы қала тұрғындары түгілі, су мамандарының өздері табиғаттың мұндай тосын сыйын күтпегені анық. Газетіміздің 20 наурыздағы санында берген сұхбатында олар  егер қолайлы жағдай туындаса, «70-130 млн. текше метр су келуі мүмкін» деген болжам жасаған болатын.  Әрине, мамандардың «арық сөйлеп, семіз шығуды» ойламағандары сөзсіз, олар Кеңгірге судың молынан келуіне бізден бетер мүдделі екені белгілі. Мәселе Қой жылының кең байтақ Қазақ даласына мол қар мен жаңбырды ала келуінде болып тұр. Бұдан еліміздің көптеген аймағы, соның ішінде Қарағанды облысы да бар, зардап та шегуде. Алайда, «бір жамандықтың бір жақсылығы бар» деп халық айтпақшы, мол қар мен жаңбыр суы Кеңгірдің кемеріне келуіне осылайша септесті: айналдырған оншақты күннің мұғдарында оған 174 млн. текше метр қар суы құйылды! Бұл көптен бері болмаған көрсеткіш.  Кеңгір су қоймасының жалпы сыйымдылығы – 319 млн. текше метр екендігі қалалықтардың көбіне жақсы таныс. Егер Кеңгірге келетін қар суы бастауын Ұлытаудан алатынын, ал, ондағы қардың еруі әлі созылатынын ескерсек, қоймаға құйылатын барлық су көлемі шекті көлемнен асып түсері анық. Ендеше, бұл жағдайда не болмақ? Біз қаланың төтенше жағдайлар басқармасы және сумен, жылумен жабдықтау кәсіпорыны мамандарымен тілдесіп анықтағанымыздай, газет беттеліп жатқан уақытта, яғни, 13-15 сәуір аралығында шлюз арқылы сыртқа 49 млн. текше метр су біртіндеп жіберілген. Бұл – Кеңгір су қоймасына судың күрт келуінен орын алуы  мүмкін қауіптің алдын алу үшін жасалып отырған шара. 15 сәуір күнгі мәлімет бойынша, су қоймасындағы судың көлемі 297 млн. 896 мың текше метр болды. Осылайша жезқазғандықтар үшін тіршілік көзі – Кеңгір кемеріне келу үстінде.  Қазірдің өзінде жәй көзбен жасанды көлдің лықа толып тұрғанын көруге болады.  Ал, Кеңгір су қоймасына келіп құйылып жатқан су әлі де толастаған жоқ. Сол себепті, мамандар арнайы құрылғылармен сағат сайын судың көлемін тексеріп, бақылауда ұстауда. Кеңгірдің жауапты учаскесіне тәулік бойы кезекшілік қойылған.  
50 жас отбасы пәтерлі болды
50 жас отбасы пәтерлі болды Қарағанды облысының әкімі Нұрмұхамбет Әбдібеков Қазақстан Республикасының Президентін сайлау күні қарсаңында Жезқазған қаласының 50 жас отбасына жаңа пәтер кілтін салтанатты түрде табыс етті.   «Қолжетімді баспана – 2020» бағдарламасы бойынша пайдалануға беріліп отырған 5 қабатты тұрғын үй Байқоңыров көшесі, 123 «а» мекен-жайында орналасқан. Бұрынғы ескі жатақхананы күрделі жөндеуден өткізіп, 2-3 бөлмелі пәтерге айналдырған «Кен строй» ЖШС. Өз кезегінде Нұрмұхамбет Қанапияұлы пәтер иелерін шын жүректен құттықтап, үйлерінде тек жақсылық болуына тілектестігін білдірді. Сонымен  қатар, көпқабатты үйдің алдынан салынып жатқан балабақша да келесі жылы аяқталатынын жеткізді.  Ал, қала әкімі Батырлан Ахметов жерлестерінің қуанышымен ортақтасып, қоныс тойын тойлаушы жастар үшін қуанышты екендігін айтып, ағынан жарылды. Пәтерге ие болған азаматтар атынан Медет Естауов басшыларға алғыс білдіріп, көршілеріне құтты болсын айтты.  Бұдан соң облыс басшысы Қаныш Сәтбаев атындағы №7 мектеп-лицейде орналасқан №447 сайлау учаскесінде болып, жұмыс барысымен танысты. Нұрмұхамбет Қанапияұлы сайлау учаскесінің дайындық жұмыстарына ризашылығын білдірді. Сонымен қатар, мектеп ішіндегі академиктің мұражайында болып, жәдігерлермен танысты, оқушылардың өнерін тамашалады.   
ЕСІМІ ЕЛ ЕСІНДЕ ҚАЛҒАН ҒАЛЫМ
ЕСІМІ ЕЛ ЕСІНДЕ ҚАЛҒАН ҒАЛЫМ (Қаныш СӘТБАЕВ ескерткіші жанындағы митингіден) 12 сәуір – қазақтың біртуар перзенті, геолог-ғалым, қоғам қайраткері, академик Қаныш Сәтбаевтың  туған күні. Осыған орай, Жезқазғандағы академиктің ескерткіші алдында митинг өтті.   Қаламыздағы оқу орындары ұжымдары, студенттер мен оқушылары жиналған шара №7 мектеп-лицей оқушыларының театрландырылған көрінісімен басталды. Қазақстан Республикасының Әнұраны айтылған соң, Қазақ ССР Ғылым академиясының тұңғыш президенті Қаныш Сәтбаевты еске алу кешіндегі алғашқы сөз Жезқазған қаласы әкімі Батырлан Ахметовке берілді.  – Жерінің асты қазына, үсті ырысты құт мекен, жәннат қала  Жезқазған өзінің теңдесі жоқ қазба байлықтарының арқасында әлемге танылып, алтынды қала айналуына жол ашқан Қаныш Имантайұлы Сәтбаевтың рухына бас иеміз, – деді ол. Ғұлама ғалымды еске алу шарасы Тайжан Қалмағамбетов атындағы филармония әншісі Зәуреш Омарованың орындауындағы «Армысың, Жезқазған!» әнінен кейін, «Жезқазғантүстіметалл» өндірістік бірлестігінің бас геологы Достияр Қарабаевтың сөзімен жалғасты.   Қаламыздағы академик атымен аталатын алдыңғы қатарлы білім ошағы №7 мектеп-лицейде бүгінде ғалымның мұражайы жұмыс істейді. Лицей оқушыларына «Сәтбаевтану» пәні оқытылып, жас ұрпақты Қ. Сәтбаев тағлымымен тәрбиелеуге баса назар аударылып келеді. Жыл сайын академиктің туған күніне орай «Ұрпақ  үні» газетін шығару  дәстүрге айналған. Сәтбаев оқулары мен Сәтбаев кубогын өткізу жүйелі түрде жүргізіледі. Осы орайда мектеп-лицейдің тарих пәні мұғалімі Нескен Карбозова сөйлеп, Қазақстанның өнеркәсібінің дамуында айшықты орын алатын Қаныш Имантайұлының аманатын ертеңгі ұрпаққа жеткізу жолында жұмыс жасау қажеттігін айтты.  Митингке қатысушылар Қаныш Сәтбаевтың ескерткішіне гүл шоқтарын қойды, салтанатты жиын өнер мектебінің тәрбиеленушілерінің орындауындағы әсем әнге ұласты.     
Имандылықты арқау еткен айтыс
Имандылықты арқау еткен айтыс Қалалық Халықтар достығы және мәдениеті үйінде Қазақ хандығының 550 жылдығы және Ұлы Жеңістің 70 жылдығына орай республикалық айтыскер ақындардың қатысуымен «Бабалар өсиеті» атты рухани кеш өтті.   «Ұлы дала ұландары» қоғамдық бірлестігінің ұйымдастыруымен болған айтулы шараны ақын Серік Қалиев жүргізді, Жезқазған қаласы әкімінің орынбасары Нұржан Орынбаев қаламызға қонақ болып келіп жатқан ақындарға сәттілік тіледі.  Имандылықты арқау етіп, салт-дәстүрімізді насихаттауды мақсат еткен ақындар айтысы форматында өткен дүбірлі кешке Батыс Қазақстан облысынан Талғат Мықи, Шығыс Қазақстан облысынан Сара Тоқтамысова, Жамбыл облысынан Әсет Дүйсенбаев, Алматы облысынан Жандарбек Бұлғақов, Қостанай облысынан Сырым Әуезхан, Павлодар облысынан Рауан Хайдаров қатысты. Ақындар қазақ тарихы, киелі Ұлытау мен қасиетті Жезқаз-ғанды жырға қосып, көрерменге рухани, әдемі кеш сыйлады. Сөз сайысына жеребе арқылы жұптасқан ақындар бір-біріне дес бермей, нағыз сайыс жасап, жиналған жұрттың делебесін қоздырып, естен кетпес әсерлі сәт сыйлады. Ата дініміз исламды да насихаттап, жырдан шашу шашты. Ұлттық өнерімізге сусындап қалған қала жұртшылығы ақындарға қолдау көрсетіп, арқаланып, шабыттанып отырды. Бір жұп ақын айтысып болған соң, кеш жүргізушісі адамзаттың Пайғамбары Мұхаммед (с.ғ.с) өсиеттерінен мысалдар келтіріп, уағыз айтып отырды. Сонымен қатар, шараны ұйымдастыруға атсалысқан жас ақын Мейіржан Әлібеков ортаға шығып, өз өлеңін оқыды. Кеш соңында «Ұлы дала ұландары» қоғамдық бірлестігінің төрағасы Медет Естауов ортаға шығып, Жезқазған қаласында өткен Қазақ хандығының 550 жылдығы мен Ұлы Жеңістің 70 жылдығы құрметіне орай «Бабалар өсиеті» атты кешті ұйымдастыруға қолдау білдірген ақын Мейіржан Әлібековті, кештің жүргізушісі Серік Қалиевті Алғыс хатпен марапаттап, әдемі айтыс жасаған ақындардың барлығына Алғыс хат пен ақшалай сыйлық табыс етті. Сонымен қатар, шараның өзіндік дәрежеде өтуіне қолдау білдіріп, демеушілік көрсеткен ұжымдар мен азаматтарға алғысын білдіріп, бас демеуші «Қазақстан Халық банкі» АҚ Жезқазған аймақтық филиалының төр-айымы Марфуға Мусинаға, меценат Бекзат Алтынбековке Алғыс хат табыстады. Сонымен қатар, демеушілер «Керемет», «Екі жұлдыз» тойханалары, «Азия» жиһаз салоны, «Самади» сауда орталығы, «Тәтті» кондитер дүкені, «Ұлытау» дәріханалар желісі, көпсалалы колледж директоры Мұсабек Меңлібаев, Қанат Балмағамбетовке алғысын білдірді.  
«Біз – Ұлы Жеңістің ұрпақтарымыз»
«Біз – Ұлы Жеңістің ұрпақтарымыз» Ұлы Жеңіске 70 жыл толуына орай «Нұр Отан» партиясының қалалық филиалы ғимаратында жастар форумы өтті.   2015 жыл – ұлттық тарихымызды ұлықтау және бүгінгі қол жеткізген биік белестерімізді бағалау тұрғысынан мерейлі жыл. Қалалық ішкі саясат бөлімі Жастар бастамалары орталығы ұйымдастырған шараға соғысты көздерімен көріп, бейбіт өмірдің жақындауына үлестерін қосқан ардагерлер қатысты. Бүлдіршіндер бейбітшілік, Отан жайлы өлең шумақтарын оқып, ардагерлерге тағзым етіп, алғыстарын білдірді. Мерекелік шара барысында «Нұр Отан» партиясы Жезқазған қалалық филиалы төрағасының бірінші орынбасары Гүлмира Каженова сөз алып, батыр аналарымыз бен аталарымызға алғысын жеткізді. Сонымен қатар, үстіміздегі жылдың ақпан айында ЮНЕСКО орталығының ұйымдастыруымен Ұлы Жеңістің 70 жылдығына орай республикалық жас таланттар байқауынан жүлдемен оралған қаламыздағы колледж оқушыларын марапаттап, Алғыс хаттар табыстады. Аталмыш сайыста өзін үздік көрсетіп, қаламыздың атын асқақтатқан, Жеңіс күні дүниеге келген Жезқазған гуманитарлық колледжінің оқушысы Жеңіс Тілекенов сөйлеп, өлең оқыды.  Отан үшін мерт болған қаһармандардың рухына бас иіп, көзі тірі ардагерлерге құрмет көрсетейік деген ұранмен шараға қатысып отырған майдангер ардагерлеріміз – Нина Виноградова мен Николай Алпатовты ортаға шақырып, гүл шоқтары мен сый-сияпат жасалды. Олар жастарға бүгінгі бейбіт өмірді бағалау керектігін, еліміз биік шыңдарды бағындыруы үшін жастар білім алып, елге қызмет жасауы қажеттілігі жайлы әңгіме өрбітті. Сондай-ақ, соғыс жылдарынан естеліктер айтты, шараны ұйымдастырушылар мен қала жастарына алғыстарын жеткізді.  Ұлы Жеңістің қандай күшпен келгенін паш етіп, соғыс тарихын ұрпақтан-ұрпаққа естелік ретінде қалдыратын дәлел ретінде «Жас Отан» жастар қанаты мен Жастар бастамалары орталығы «Біз – Ұлы Жеңістің ұрпақтарымыз» атты үндеу сайысын ұйымдастырған болатын Осы кездесуде  І кезеңнен сүрінбей өткен Жезқазған гуманитарлық колледжінің оқушысы Тілеміс Шыңғысхан, технология және сервис колледжінің оқушысы Тоғанай Аманова, медициналық колледждің оқушысы Маннап Дархан өз шығармаларын көпшілік қауым алдына жария етіп, сайыстың қорытындысы шығарылды. Оған көрермен жастар қазылық етті. Сонымен, көпшіліктің зор ықыласына ие болған Медициналық колледждің оқушысы Маннап Дархан үздік деп танылып, Алғыс хат пен сый-сияпатқа ие болды.  Кеш соңында Жастар бастамалары орталығының директоры Бақытжан Көпбаев сөз алып, ардагерлерге алғысын айтып, қатысушыларға ризашылығын білдірді. Шара қала колледждері өнерпаздары мен жастар мен жасөспірімдер сарайы тәрбиеленушілерінің орындауындағы бейбіт өмір, Жеңіс жайлы әдемі әндермен әрленді.    
Әңгіме арқауы – исламға жат ағымдардың залалы
Әңгіме арқауы – исламға жат ағымдардың залалы Жезқазған қаласының KM «TRANCO» ЖШС кәсіпорнының акт залында «Діни экстремизм және терроризм ұғымының шығу негіздері мен көріністері» тақырыбында кездесу өтті.   Бұл кездесуге  Қазақстан Республикасы Мәдениет және спорт министрлігі жанындағы «Дін мәселелері жөніндегі ғылыми-зерттеу және талдау орталығы» РММ исламды зерттеу бө-лімінің бастығы Мұхан  Исахан, қалалық ішкі саясат бөлімінің бас маманы Айшагүл Жаппарбайқызы және Ахмет ишан Оразайұлы атындағы мешіттің өкіл имамы Мәди Смағұлов қатысты.  Ұжым қызметкерлеріне ислам дініне жат ағымдардың шығу тарихы және олардан сақтану жолдары, қандай діни кітаптар оқуға болатыны, қандай сайттарға кіруге және кімдердің уағыздарын тыңдауға болатыны жайлы уағыз-насихат айтылды. Дін мамандары қойылған сұрақтарға толық жауап берді.  Осындай кездесулер «Племптицеторг» ЖШС кәсіпорнында, «Нұр Отан» партиясы қалалық филиалы ғимаратының мәжіліс залында, №22 мектептің акт залында және Малшыбай ауылы тұрғындарымен болды.  
 
Фотосурет...
Сайтты пайдаланушылардан сұрау
Жезқазған қаласы тұрғындарының қанша пайызы (%) компьютерді меңгерген?
 
Ежедневные курсы валют в Республике Казахстан

   1. «Жезқазган қаласы әкімінің аппараты» мемлекеттік мекемесі, бұдан әрі «Мемлекеттік мекеме», қала әкімінің қызыметін ұйымдық, құқықтық, ақпараттық-талдау қамтамасыз ететін атқарушы-басқаратын орган болып табылады.
   2. «Мемлекеттік мекеме» өз қызметін Конституцияға және Қазқстан Республикасының заңдарына, Қазақстан Республикасы Президенті мен Үкіметінің актілеріне, басқа да, нормативтік құқықтық актілерге, сондай-ақ «Мемлекеттік мекеме» туралы Ережеге сәйкес жүзеге асырады.
   3. «Мемлекеттік мекеме» заңды тұлға болып табылады, Қазақстан Республикасының Мемлекеттік Елтаңбасы бейнеленген мөрі және өз атауы мемлекеттік тілде жазылған мөртабандары, сондай-ақ банктерде заңдарға сәйкес шоттары бар.
   «Мемлекеттік мекеме» өз атынан азаматтық-құқықтық қатынастар жасайды.
   «Мемлекеттік мекеме», егер Қазақстан Республикасы заңдарына сәйкес уәкілеттік берілген болса, мемлекет атынан азаматтық-құқықтық қатынастар тарапы болуға құқылы.
   4. «Мемлекеттік мекеме» шекті штаттық санын Қарағанды облысының әкімдігі бекітеді, «Мемлекеттік мекеменің» қүрлымын Жезқазған қаласының әкімдігі бекітеді.
   5. «Мемлекеттік мекеменің» мекенжайы 100602, Жеқазған каласы, Алаш алаңы, 1 үй.
   6. «Мемлекеттік мекеменің» толық атауы «Жезқазған қаласы әкімінің аппараты» мемлекеттік мекемесі, орыс тілінде Государственное учереждение «Аппарат акима города Жезказгана».
   7. Жезқазған қаласы әкімдігінің атынан мемлекет «Мемлекеттік мекеменің» құрылтайшысы болып табылады.
   Осы Ереже мемлекеттік мекеменің құрылтай құжаты болып табылады.
   8. «Мемлекеттік мекеменің» қызметін қаржыладыру тек мемлеттік бюджеттен жүзеге асырылады.
   «Мемлекеттік мекемеге» «Мемлекеттік мекеменің» функциясы болып табылатын міндеттерді орнату үшін кәсіпкерлік субъектілерімен шарттық қатынастар жасауға тыйым салынады.
   2. «Мемлекеттік мекеменің» функциялары, негізгі мақсаттары, құқықтары мен міндеттері
   9. «Мемлекеттік мекеме» Қазақстан Республикасының заңдарында белгіленген фукцияларды жүзеге асырады (жауапкершілікте болады).
   10. «Мемлекеттік мекеменің» негізгі міндеттері болып Қазақстан Республикасының 1995 жылғы 30 тамыздағы Конституциясында, «Қазақстан Республикасындағы жергіліктік мемлекеттік басқару туралы» Қазақстан Рспубликасының 2001 жылғы 23 қаңтардағы №148 Заңында, Қазақстан Риспубликасынвң Президентінің, Үкіметінің актілерінде, басқа да заңдық және нормативтік құқықтық актілерде, осы ережеде белгіленген міндеттер табылады.
   11. «Мемлекеттік мекеме» өз функциясын жүзеге асыру үшін төмендегілерге құқылы:
   1) заңды және жеке тұлғалармен азаматтық-құқықтық қатынастар жасауға, шартар жасауға және қолданыстағы заңдарға қайшы келмейтін басқа да қызыметтерді жүзеге асыруға;
   2)құрлымдық бөлімшелерден, село әкімдерінің аппараттарына қажет
   ақпарат алуға, сондай-ақ оларға орындауға міндетті тапсырмалар беруге;
   3)барлық меншік түріндегі кәсіпорындардан, мекемелерден және ұйымдардан қажет ақпараттар, құжаттар және басқа да материалдар сұрауға және алуға, қала әкімінің құзырына жататын мәселелер бойынша лауазымды тұлғалардан ауызша және жазбаша түсінік сұрауға және алуға;
   4) ақпараттық мәліметтердің барлық түрін, онын ішінде село әкімдерінің аппараттында бар құпия мәліметтерді пайдалануға;
   5)Қазақстан Республикасы Президенті мен Үкіметі актілерінің, қала және облыс әкімдігінің қаулыларының, облыс және қала әкімдері шешімдерінің, өкімдерінің және тапсырмаларының орындалысына тексеріс жүргізуге, анықталған жөнсіздіктрдің себептерін жою және оларды орындау жағдайлары жөнінде шаралар қолдануға;
   6)қала әкіміне және село әкімдері аппараттарының және олардың құрлымдық бөлімшелерінің құрлымы мен қызыметін жетілдіру жөнінде ұсыныс жасауға;
   7) қала әкімінің тапсырмасы бойынша құрлымдық бөлімшелердің, село әкімдері аппараттарының, атқарушы органдардың, әкімге бағынатын мемлекеттік кәсіпорындардың қызыметкерлерін қала әкімдігінің мәжілістерінде қаралатын мәселелерді әзірлеу, проблемалық мәселелерді зерттеу және шешу үшін тартуға;
   8) «Мемлекеттік мекеме» жүргізуге жатқызылған мәселелер бойынша мемлекеттік және мемлекеттік емес органдармен және ұйымдармен қызыметтік хат алмасуға құқылы.
   12. «Мемлекеттік мекеме» қажет құжаттар, материалдар, хабарламалар, жазбаша түсініктер беру жөніндегі талаптары аудандар әкімдері аппараттары, бағыныстағы мекемелердің лауазымдағы тұлғалар үшін міндетті және белгіленген мерзімде орындауға жатады.
   13. «Мемлекеттік мекемеге» төмендегідей міндеттер жүктеледі:
   1)Қазақстан Республикас Президентінің, үкіметінің ішкі және сыртқы саясатының негізгі бағыттарын қаланы дамыту мүддесі мен қажеттіліктеріне сәйкес жүзеге асыру;
   2)қаланы әлеуметтік-экономикалық дамыту жоспарын, жергілікті бюджетті әзірлеуге қатысу және бақылау және олардың орындалуын қамтамасыз ету;
   3) атқарушы органдардың, қала әкіміне, әкімдігіне бағыныстағы мемлекеттік кәсіпорындардың жұмысын үйлестіру және бақылау;
   4)қала кәсіпорындарының шетел инвесторларымен сыртқы экономикалық байланыстар жзәне ынтымақтастық саласындағы қызыметін үйлестіру;
   5) әлеуметтік және экономикалық процестерді басқаруды жүзеге асыру, еңбек, жұмыспен қамту және көші-қон процестері, әлеуметтік сақтандыру, саласында саясат жасау және осы мақсатта село әкімдері аппараттарының қызыметіне үйлестіру, қала әкімінің шешімдері мен өкімдерін талдау және әзірлеу үшін олардан уақытылы ақпарат алу, әлеуметтік – экономикалық жағдай қағйдаларын қалыптастыру;
   6) Қазақстан Республикасы заңдарын, Президенттің және Үкіметтің актілерін орындауды ұйымдастыру мен қамтамасыз ету және Қазақстан Республикасы Заңдарының, Қазақстан Республикасы Президенті мен Үкіметі актілерінің, облыс және қала әкімдерінің шешімдерінің, өкімдерінің және тапсырмаларының орындалысына бақылау жасау, анықталған жөнсіздіктерді, орындамау себептері мен жағдайларын жою жөнінде шаралар қабылдау;
   7) облыс, село әкімдерінің аппараттарымен, облыстық және қалалық мәслихаттармен, қоғам ұйымдармен өзара әрекеттестік қамтамасыз ету;
   8) қала әкімдігін, активтерді, кенестерді, халықаралық кездесулер мен сапарларды, қала әкімі мен оның орынбасарлары өткізетін басқа да шараларды ақпараттық – талдау, құқықтық, ұйымдық және материалдық – техникалық қамтамасыз ету;
   9) қала әкімінің қызыметін құжаттамалық қамтамасыз ету, қызметтік құжаттарды, хаттар мен өтініштерді қарау, азаматтарды қабылдау, құжат айналымына талдау жасауды ұйымдастыру, іс жүргізуді жетілдіру: құпия құжаттармен жұмыс істеу, мемлекеттік және орыс тілдерінде іс жүргізуді қамтамасыз ету;
   10) қала әкімінің тапсыруымен өткізілетін шараларды ұйымдық және ақпараттық қамтамасыз ету, қала әкімі мен оның орынбасарларының күнделікті қызыметін бұқаралық ақпарат құралдарында көрсету, олармен өзара әрекеттестікті ұйымдастыру, Қазақстан Республикасы Президенті мен Үкіметі жүргізіп отырған ішкі және сыртқы саясатты, қаладағы экономикалық және әлеуметтік жағдайларды, мәселелерді шешу жолдарын түсіндіру;
   11) қала әкімінің кадр саясатын жүзеге асыру жөнінде жұмыстар ұйымдастыру , әкімшілік мемлекеттік лауазымдардың бос орындарына орналасу үшін конкурстар өткізу, оқытуды , машықтануды ұйымдастыру, кадрлар резервін қалыптастыру;
   12) қала әкімінің шешімдері мен өкімдерінің, әкімдік қаулыларын сақтау;
   13) қала әкімінің және оның аппараты қызыметкерлерін қаржылық- шаруашылық, материалдық-техникалық қамтамасыз ету.
   3. «Мемлекеттік мекеменің» мүлкі
   14. «Мемлекеттік мекеме» жедел басқару құқығында жеке мүлікке ие.
   «Мемлекеттік мекеменің» мүлкі оған мемлекет берген мүліктің есебінен қалыптасады, негізгі және айналым қаражаттарынан, сондай-ақ құны «Мемлекеттік мекеменің» балансында көрсетілетін басқа да мүліктен құралады.
   «Мемлекеттік мекеменің» мүлкі бөлінбейтін болып табылады және салымдар бойынша бөліну мүмкін емес.
   «Мемлекеттік мекеменің» өзіне бекітіліп берілген мүлкі дербес иесіздендіруге немесе басқаша иелік етуге құқығы жоқ.
   4 «Мемлекеттік мекеменің» қызыметін ұйымдастыру
   15. «Мемлекеттік мекемені» Қарағанды облысының әкімі қызыметке тағайындайтын және қызыметтен босататын Жезқазған қаласының әкімі басқарады.
   Жезқазған қаласы әкімінің заңда белгіленген тәртіпке сай қызыметке тағайындалатын және қызыметтен босатылатын орынбасарлары және аппарат басшысы бар.
   16. Жезқазған қаласының әкімі «Мемлекеттік мекемеге» жүктелген міндеттердің орындалуына және өз функцияларын жүзеге асыруға жеке жауап береді.
   17. Осы мақсатта Жезқазған қаласының әкімі:
   1) өз орынбасарларының, аппарат басшысының және құрлымдық бөлімшелерінің міндеттері мен өкілеттіктерін анықтайды;
   2) заңдарға сәкес «Мемлекеттік мекеменің» қызыметкерін қызыметке тағайындайды және қызыметтен босатады;
   3) заңда белгіленген тәртіпке сай «Мемлекеттік мекеменің» қызыметкерлеріне тәртіптік жаза қолданады;
   4) «Мемлекеттік мекеменің» актілеріне (әкімнің шешімдеріне, өкімдеріне, әкімдік қалауларына) қол қояды;
   5) «Мемлекеттік мекеменің» құрлымдық бөлімшелері туралы ереже бекітеді;
   6) басқа мемлекеттік орагндар мен басқа ұйымдарда «Мемлекеттік мекеменің» мүдесін білдіреді;
   7) заңдарға сәйкес басқа да өкілеттіктерді жүзеге асырады.
   18. Жезқазған қаласының әкімі «Қазақстан Республикасындағы жергілікті мемлекеттік басқару туралы» Қазақстан Республикасының 2001 жылғы 23 қаңтардағы №148 Заңының 30-бабына сәйкес, әкімдікті (заңды тұлға болып табылмайтын алқалық орган) басқарады.
   19. Жезқазған қаласының әкіміне тікелей бағынатын аппарат басшысы «Мемлекеттік мекеменің» жұмысын ұйымдастыруды және басшылық жасайды .
   Осы мақсатта аппарат басшысы:
   1) «Мемлекеттік мекеменің» құрлымдық және штаттық кестесін, сондай-ақ оған енгізілетін өзгерістерді қала әкімдігінің бекітуіне ұсынады;
   2) Қалалық бөлімдердің, басқармалардың және село әкімдері аппараттарының құрылымдық жобаларын ұсынады;
   3) «Мемлекеттік мекеменің» көзге түскен қызыметкерлерін ынталандыруға ұсыныс жасайды;
   4) «Мемлекеттік мекеменің» бөлімдерінің және басқа да құрлымдық бөлімшелерінің қызыметін үйлестіреді;
   5) «Мемлекеттік мекеменің» ішкі еңбек тәртібінің ережесін қала әкімінің бекітуіне ұсынады, мемлекеттік қызымет туралы заңнын орындалуына бақылау жасайды;
   6) Қала өміріне қатысты әкімдік қаулыларының, шешімдердің және өкімдердің, басқа да қызыметтік құжаттардың жобаларын қала әкімінің бекітуіне ұсынады;
   7) Облыс , село әкімдері аппараттарымен, қалалық маслихатпен , қала әкімінің атқарушы оргндармен; саяси партиялармен және қозғалыстармен, бұқаралық ақпарат құралдармен және қала халқымен тұрақты байланысты қамтамасыз етеді;
   8) Қала әкімі тапсырмаларының, шешімдерінің мен өкімдерінің, әкімдік қабылдаған қаулылардың орындалысына бақылауды ұйымдастыруды және орындалуын қамтамасыз етеді;
   9) Қалалық бюджеттен қаржыландыратын село әкімдері аппараттарының бөлімдерінің және басқа да атқарушы оргндарының қызметін бағалау жөнінде қала әкіміне ұсыныс жасайды;
   10)Қала әкіміне село әкімдерінің заңсыз шешімдері мен өкімдерін жою туралы ұсыныс жасайды;
   11)кадр саясатын жүзеге асыруға жауап береді. Қала әкімінің қарауына бөлім меңгерушілерін, атқарушы оргндарының мемлекеттік кәсіпорындардың басшыларын қызыметке иағайындау (конкурс нәтижесі бойынша) және қызыметтен босату туралы ұсыныс жасайды, кадрлар резервін қалыптастырады , лауазымды адамдарды тәртіпке жауапкешілікке тарту жөнінде ұсыныс еңгізеді;
   12)өз құзыры шегінде қызыметтік құжаттарға қол қояды;
   13)азаматтарды жеке қабылдайды.
   20.Аппарат басшысы :
   1)қала әкімінің және оның орынбасарларының қарауына енгізілетін, сондай-ақ қала әкімдгін қаралатын мәселелері әзірлеу және келісу жөнінде село әкімдеріне, «Мемлекеттік мекеменің» бөлім меңгерушілеріне, атқарушы оргндарының, қала әкіміне бағынысты мемлекеттік кәсіпорындардың басшыларына тапсырмалар мен нұсқаулар беруге;
   2)село әкімдері аппараттарының , атқарушы органдардан, қала әкіміне бағынысты мемлекеттік кәсіпорындардан, қала аумағында орналасқан кәсіпорындар мен ұйымдар Қазақстан Республикасы Президенті мен Үкіметі актілерінің, әкімдігі қаулыларының, қала әкімінің шешімдері мен өкімдерінің және басқа да тапсырмалардың орындалысы жөнінде ақпараттар мен есептер талап етуге; 3)белгіленген енгізу тәртібіне және талаптарына сәйкес келмеген жағдайда әкімдігі қаулыларының, қала әкімінің шешімдері мен өкімдерінің, іскер хат-хабарлардың жобаларын қайтаруға құқылы.
   21. «Мемлекеттік мекемеге» жүктелген міндеттерді орындау үшін, бекітілген құрлымға сәйкес бөлімдер мен басқа да құрлымдық бөлімшелер құрылады.
   Жергілікті бюджеттен қаржыландырылатын бөлімдер, басқармалар, комитетер мен басқа да атқарушы органдар осы ереженің, сондай-ақ қала әкімі бекітетін құрлымдық бөлімшелері туралы ереженің және лауазымдық міндеттемелердің негізінде әрекет етеді.
   22. «Мемлекеттік мекеме» бөлімдерінің және басқа да құрлымдық бөлімшелерінің басшылары:
   1)өздерінің бөлімдеріне және бөлімшелеріне жүктелген тапсырмалардың орындалуына, Қазақстан Республикасы Президенті актілерінің және басқа да жоғары органдардың актілерінің, сондай-ақ әкімдік қаулыларының, қала әкімінің , оның орынбасарларының және аппарат басшысының шешімдерінің, өкімдерінің және тапсырмаларының, қалалық әкімдігінін өз құзырлары шегінде қабылданған қаулыларының уақытылы және толық орындалуына жеке жауап береді. Қызметкерлерді қызметке қабылдау, ауыстыру және қызметтен босату туралы ұсыныстар енгізеді қызметкерлер арасында міндеттерді бөледі, еңбекті ұйымдастырды, өзара ауыстырылуды, тиісті еңбек тәртібін қамтамасыз етеді; іс жүргізудің қолданылатын нұсқауларға сәйкес дұрыс жүргізілуіне жауап береді;
   2)өзіне жүктелген міндеттерді орындалмағаны және өзіне берілген құқықтарды дұрыс пайдаланбағаны үшін заңдарда белгіленген тәртіпке жауап береді.
   23. «Мемлекеттік мекеменің» мемлекетік қызметшілері осы ережеге сәкес өздерінің тікелей қызыметтік міндеттерін атқарған кезде:
   1)қала әкімдігінің мәжілістерінде, қала әкімінің аппаратында, атқарушы органдарда және қала әкіміне бағынысты мемлекеттік кәсіпорында өткізілетін кеңестерге, шараларға қатысуға;
   2)қала әкімі орынбасарларының, қала әкімі аппараты басшысының тапсырмасы бойынша село әкімдері аппараттарының, қала аумағында орналасқан ұйымдардын, мекемелердің және кәсіпорындардың жауапты қызыметкерлерін «Мемлекеттік мекемеде» талқылау барысында пайда болатын проблемалық мәселелерді әзірлеуге қатысуға тартуға және басқа да мәселелерді шешу жөнінде ақпараттар, ұсыныстар және қорытындылар сұрауға;
   3)қала әкімі аппаратының басшысына әкімдік қаулыларының, қала әкімінің шешімдері мен өкімдерінің талаптарға сай келмейтін, заңға қайшы келетін жобаларын жетілдіруге қайтару жөнінде ұсыныс жасауға; «Мемлекетті мекеменің» құзырына кірмейтін құжаттар мен материалдарды қайтаруға құқылы.
   5. «Мемлекеттік мекемені» қайта ұйымдастыру және тарату
   24. «Мемлекеттік мекеменің» қызыметін тоқтату оны қайта ұйымдастыру және тарату түрінде жүзеге асырылады.
   «Мемлекеттік мекемені» қайта ұйымдастыру оның мүлкін меншік иесінің немесе органның уәкілетті меншік иесінің шешімі бойынша немесе заң актілерінде қарастырылған жағдайларда сот органдарының шешімі бойынша жүзеге асырылады.
   «Мемлекеттік органды» қайта ұйымдастырылған кезде барлық мүлік белгіленген тәртіпте оның құқықтық мұрагеріне өтеді.
   1)мүліктің меншік иесі бойынша;
   2)Қазақстан Республикасындағы қолданыстағы заңдарда қарастырылған негіздерде сот шешімі бойынша;
   3)Қазақстан Республикасындағы заң актілерінде қарастырылған басқа да жағдайларда таратылуы мүмкін.
   Мекемені тарату жөнінде шешім қабылданған орган тарату комиссиясын тағайындайды және тарату тәртібі мен мерзімін белгілейді.
   Тарату комиссиясы тағайындалған сәттен бастап, оған мекеме ісін және мүлікті басқару жөніндегі өкілдіктер ауысады.
   Заңды тұлғалардың мемлекеттік тіркеліміне жазба жазылған соң мекемені тарату аяқталды және мекеме өз қызыметін тоқтатты деп есептеледі.

 
 
 
 
Подписка на новости
e-mail:
Қазақша
Русский
English
Рейтинг@Mail.ru