Рейтинг@Mail.ru
Интернет магазины
 
Iздеу:
Қазақша
Русский
English
 
 
Жезказган каласы аким аппараты 100%
 
 
 
 
Аты:
Пароль:
Регистрация
Жаңалықтар...
Балаларды бір қуантып тастады
Балаларды бір қуантып тастады Қасиетті Құранда: «Сенен жетімдер туралы да сұрайды. Оларды пайдалы және жақсылап жетілдіру қайырлы іс. Егер олармен бір жерде өмір сүрсеңіз, олар сіздің бауырларыңыз. Аллаһ жетімдерге қамқор болмақ болғандар мен пасықтық жасағандарды біледі», – деп мәлімделген.   Пайғамбарымыз Мұхаммед (с.ғ.с.): «Жетімді өз қолына алған адам, мына екеуі сияқты жәннатта жақын (аға-іні) боламыз», – деп нұсқаушы және орта саусақтарын көрсеткен. Міне, осы аят, хадистерде баян еткендей Жезқазған аймақтық Ахмет ишан Оразайұлы атындағы мешіті және «Зекет» қорының ұйымдастыруымен Ораза айт күндері қайырымдылық шарасы өткізілді.  «Үміт» балалар үйінің жас жеткіншектерін «Азия» ойын-сауық кешеніне апарып, көңілдерін сергітті. Балалардың жүздерінде қуаныш ұялап, мерейлері көтерілді. Содан соң қаламыздың дәмханасында балаларға арнайы дәм, сусындар және балмұздақтар берілді.  Осындай игі іс-шараны ұйымдастырғаны үшін мешіт имамдарына «Үміт» балалар үйінің ұжымы өз ризашылықтарын білдірді.   
Металлургтер марапатталған күн
Металлургтер марапатталған күн Металлургтер мерекесі Жезқазған қаласында  екі күн тойланды. Мысты қаланың бас кейіпкерлерін құттықтауға Қарағанды облысы әкімінің бірінші орынбасары Асылбек Дүйсебаев арнайы келді.    Металлургтер күніне орай ұйымдастырылған салтанатты шара Жезқазған мыс қорыту заводында басталды. Заводтың акт залында өткен жиынның алғашқы сөзі Жезқазған мыс қо-рыту заводының директоры Бағлан Тәненовке берілді.  Завод басшысы әріптестерін құттықтап,  жылы лебізін білдірді.  Сонымен қатар, Бағлан Төреқамысұлы «Қазақмыс» корпорациясы директорлар кеңесінің төрағасы Эдуард Огай мен «Қазақмыс» корпорациясының бас директоры Бақтияр Қырықпышевтың атынан «Кәсіпке деген адалдығы және металлургия өндірісінің қарыштап дамуына қосқан зор үлестері үшін» берілген  Құрмет грамоталарымен өндіріс саласының үздіктерін марапаттады. Бұдан соң, «Қазақмыс» корпорациясы жанындағы «Нұр Отан» пар-тиясы мен «Кәсіп Қазақмыс» кәсіподақ бірлестігі және корпорация жанындағы Жастар одағының атынан лауазым иелері мереке иелерін құттықтап, бір топ еңбеккерлерді Алғыс хаттармен марапаттап, ақшалай сый-сияпат табыстады.  Құрметті мамандық иелеріне деген ақжарма тілек пен жылы лебіздер «Қазкат» заводы ЖШС мен түсті металлургияның қарашаңырағы Қарсақбайда жалғасын тапты. Мұнда да еңбек ардагерлері мен озат жұмысшыларға сый-құрмет көрсетілді.  Мерекенің екінші күнінде Қарағанды облысы әкімінің орынбасары Асылбек Дүйсебаев пен қала әкімі Батырлан Ахметов бастаған бір топ мемлекеттік мекеме және «Қазақмыс» корпорациясы» ЖШС-нің басшылары ғұлама ғалым, академик Қаныш Сәтбаевтың ескерткішіне гүл шоқтарын қойды. Бұдан кейін кенді шаһардың бас кейіпкерлеріне көрсетілген құрмет Халықтар достығы мен мәдениеті үйінде жалғасты. Салтанатты шараның шымылдығын ашқан аймақ басшысының бірінші орынбасары Асылбек Дүйсебаев сахна төріне көтеріліп,  озат металлургтер Сергей Горенков, Тахауи Спан, Владимир Опарин, Матвей Сперницкийге Алғыс хат пен ақшалай сыйлық табыс етті. Сонымен қатар, «Кәсіп Қазақмыс» кәсіподақ комитетінің төрағасы Төреқожа Тлемісов, «Қазақмыс» корпорациясы» жанындағы «Нұр Отан» партиясы Қарағанды филиалы төрағасының бірінші орынбасары Бауыржан Шыңғысов, «Қазақмыс Смэлтинг» ЖШС директоры Марат Әубәкіров құттықтау сөз сөйлеп, бір топ озат еңбеккерлерді Алғыс хатпен марапаттап, сый-құрмет көрсетті.  Мысты өлкенің басты мейрамының нүктесі кешке Алаш алаңында қойылды. Қаланың үлкенді-кішілі тұрғындары көтеріңкі көңіл-күймен алаңға бет алды. Кешкі жиында Жезқазған қаласы әкімінің орынбасары Зина Ақылбекова, «Жезқазғантүстімет» АҚ-ның техникалық директоры Талғат Шайқыбеков металлургтерді кәсіби мерекемен құттықтап, жүрек жарды тілектерін жеткізді. Жиналған қалың жұртты өздерінің әсем әндерімен Мақпал Исабекова, Нұрлан Өнербаев,Тәуекел Муслим, «Кофеин», «Орда», «Altyn girls» топтары және ресейлік әнші Егор Крид, сондай-ақ, Т. Қалмағанбетов атындағы филармонияның өнерпаздары қуанышқа бөледі. Мереке отшашумен аяқталды.  
Ілгерілеу бар, іркіліс те жоқ емес
Ілгерілеу бар, іркіліс те жоқ емес 2015-2016 жылғы жылу маусымына Жезқазған өңірі 50% дайын. Қабылдау комиссиясы 25 білім беру, 5 денсаулық сақтау, 5 мәдениет нысанын және 1 спорт нысанын жылу маусымына дайын деп шешті. Қалған әлеуметтік-мәдени нысандарда жөндеу жұмыстары аяқталуға шақ қалды. Қаладағы 648 көп қабатты үйдің 325-і тексеріліп, тұрғын үйдің жылу маусымына дайындық актісі дайындалуда 2015-2016 жылу маусымындағы Кеңгір, Талап, Малшыбай ауылдары бюджеттік мекемелерінің қатты отынға  қажеттілігі 1000 тоннаны құрайды. Оны сатып алуға конкурс ұйымдастырылды. Қыркүйектің 15-іне дейін барлық нысандарды көмірмен толық қамтамасыз ету жоспарланып отыр. Қазіргі уақытта жылу қазандықтары мен жү-йелеріне жөндеу жұмыстары жүріп жатыр.  Жылу маусымына дайындық бойынша бекітілген облыстық жоспарға сәйкес әр апта сайын қаланың жылу маусымына дайындығы 5%-ке жоғарылауы тиіс. Алайда, «Жылумен сумен жабдықтау кәсіпорнының» жылу маусымына әзірлігі алаңдатады. Себебі, олар облыстық жоспардан  ауызсу құбырын жөндеу бойынша 26%-ке, ал, кәріз жүйесін жөндеуден 46%-ке артта қалып отыр. Жылу электр орталығындағы 8 қазандықтың 3-еуі жұмыс үстінде, 1-еуі қорда және 4-еуіне жөндеу жұмыстары жүргізілуде. Жөндеудегі 5-ші және 6-қазандықтар ешбір кедергісіз белгіленген күні қабылдау комиссиясына тапсырылады. Бүгінде орындалған жұмыс көлемі 5-қазандықта –  89%, 6-қазандық бойынша –  32%. ЖЭО-ның қорында 195000 тонна көмір мен 4772 тонна мазут бар. Геология елді мекенінің  жылу қазандығы мен инженерлік жүйелерінде қызу жөндеу жұмыстары жүргізіліп жатыр. Диаметрі 180 мм болатын 180 метр жылу құбыры мен диаметрі 57 мм болатын 170 метр ауыз су құбыры айырбасталды. Геология кентінің халқын жылумен қамтамасыз ететін жылу қазандығының 6-ауы да жөнделуде. Жөндеу жұмыстары қыркүйек айының аяғында аяқталып, пайдалануға берілмек. «Қазақмыс» корпорациясы» ЖШС-нің электрмен жабдықтау кәсіпорны мен «Жезқазған электр жүйесін тарату компаниясы» АҚ-ның да қысқа әзірлігі әзірге ақсап тұр. 163,15 км электр желісі жөнделді, алайда, облыстық жоспардан 7%-ке кешігу байқалады.  Бекболатсай, Қостангелді елді мекендерінің су құбыры жүйесі қайта жөндеуден өтіп жатыр. Жөндеу жұмыстары қазан айында толық аяқталады. Алашахан даңғылынан Сейфуллин көшесіне дейінгі жылу жүйесінің құбырлары да күрделі жөндеуден өтіп, ауыстырылуда. Бекітілген жұмыс кестесіне сай жөнделетін 1350 метр құбырдың 1050 метрі жаңартылды. Жөндеу жұмыстары тамыз айының ортасында аяқталады деп жоспарланып отыр. Жөндеу жұмыстарына байланысты қаланың кейбір аудандарында дүйсенбі күні ыстық су тоқтаған болатын. Жексенбі күні тұрғындар ыстық сумен қамтамасыз етіледі. Үйтас – Айдос су құбырының 13 шақырымдық бөлігін қайта жаңарту үшін «Қазақмыс» корпорациясы» ЖШС-і қаражат бөлді. 1-телімде құбырлар орнатылатын жер әзірленіп, 2 км құбыр дайындалды. Игерілген қаражат 36 321649 теңге. 2-телімде 11 метрлік  траншея қазылып, 11 км құбыр жалғанды. Жұмсалған қаржы көлемі 118878586 теңгені құрады. Жылу маусымы басталғанша, дайындық әлі де  пысықтала бермек.  
Әлеуметтік-экономикалық даму ойдағыдай
Әлеуметтік-экономикалық даму ойдағыдай Қарағанды облысы әкімінің орынбасары Асылбек Дүйсебаевтың төрағалығымен қала әкімдігінің мәжіліс залында облыстың 2015 жылдың бірінші жарты жылдығындағы әлеуметтік-экономикалық даму барысы жөнінде облыстық селекторлық кеңес өтті.    Селекторлық кеңесте Қарағанды облысының экономика және қаржы басқармасының басшысы Ольга Чернявская жарты жылда қол жеткізген көрсеткіштер туралы баяндады. Ағымдағы жылдың 6 айында өндірілген жалпы өнім көлемі  6,1% немесе 693,6 млрд. теңгені, ал  өнеркәсіптік өндірістің көлемі 613,9 млрд.теңгені құрады. Ауыл шаруашылығы саласында өндірілген өнім көлемі былтырғы жылдан 3,7 % ұлғайып, 44 млрд. теңгеге жетті. Ірі қара імал басы  – 5,8%, қой мен ешкі басы – 2,7%, жылқы басы – 11,1%, шошқа басы – 4,7%, құс басы – 1,9%-ке  артып, ет өндірісі – 2,6%, сүт – 5,3%, жұмыртқа – 7,5% көбейді. Сондай-ақ,жұмыс істеп тұрған орта және шағын бизнес субъектілері 12,4 %-ке ұлғайып, олардың саны 91056-ға жетті.  «Арселор Миталл» АҚ-ның домна пеші қайта жөндеуден өтіп, Елбасы Нұрсұлтан Назарбаевтың тікелей басшылығымен іске қосылды.  Мемлекеттік индустриализация картасы бағдарламасы шеңберінде 2015 жылы 10 нысан іске қосылмақшы. Осы жылдың бірінші жарты жылдығында Шахтинск қаласында құрылыс материалдарын өндіретін «ҚазстройМарт2050» ЖШС-і пайдалануға беріліп, 108 жаңа жұмыс орны ашылды. Кәсіпорын 33,5 млрд. теңгенің өнімін өндірді.  «Жол картасы – 2020» бағдарламасына жалпы сомасы 2,5 млрд. теңгені құрайтын 107 жоба енді. Нәтижесінде 700 жаңа жұмыс орны ашылып, 800-і сақталмақ. Биыл Жезқазған мыс қорыту заводында мыс өндіру 2014 жылға қарағанда 2,6%-ке артып, 54,9 мың тонна катодты мыс өндірілген. «Пустынная» тау-кен кәсіпорынының да көрсеткіштері 2,6%-ке өсіп отыр.   Жұмыспен қамту орталығының көмегімен 11829 адам тұрақты жұмыс орнымен қамтылып,  4520-сы қоғамдық жұмыстарға тартылды. Тағы 777 адам қайта даярлау курстарында оқытылып жатыр. Облыс тұрғындарының әлеуметтік жағдайы да жылдан-жылға жақсарып келеді. Биылдың өзінде аз қамтылған адамдар саны 4239-ды көрсетіп, әлеуметтік көмекке мұқтаждар былтырғы жылдан 20%-ке азайып отыр. Облыс бойынша жұмыссыздық деңгейі – 5%. Орташа жалақы 9,2 %-ке өсті. 347 отбасы баспаналы болды. Абай мен Ұлытау ауданындағы білім ордасы апатты жағдайда болғандықтан, жаңа мектеп құрылысы басталып кетті. Жезқазған, Балқаш қалаларында 320 орындық жаңа балабақша құрылысы жүргізілуде. Сонымен қатар, облыс орталығында 200 кереует көпсалалы балалар ауруханасының құрылысы аяқталуға шақ қалды. 2016 жылы облыс тұрғындары игілігіне жұмыс істемек. Сәби өлімі – 21%-ке, туберкелезбен ауру 1,9%-ке төмендеді. Қарағанды облысы бойынша 1-сұрыпты ұн, қант, сұйық май, жұмыртқа, тауық еті, қарақұмық, шәй, сүт, картоп бағасы бекітілген республикалық бағадан анағұрлым төмен.  Қарағанды облысының экономикалық ахуалын арқау еткен кеңесте облыс әкімінің орынбасары Асылбек Дүйсебаев қала, аудан әкімдері мен тиісті басқарма басшыларына әлі де кездесіп, қалып отырған кейбір кемшіліктерді жою жөнінде тапсырма берді.  
Көшпелі практикум
Көшпелі практикум Жақында Кеңгір селосының мәдениет үйінің алдында, ашық алаңда, табиғат аясында Жезқазған қаласының орталықтандырылған кітапханалар жүйесі КММ-сі басшылығының ұйытқы болуымен №5 үлгілі филиалының қатысуымен «Село кітапханасында: кітапханалық қызмет көрсетуді ұйымдастыру» тақырыбында көшпелі практикум өткізілді.   Оның негізгі мақсаты – 2015 жыл айтулы күндерге толы болғандықтан іс-шараларды осы даталарды насихаттау. Практикум Қазақ хандығына 550 жыл, Ұлы Абайдың туғанына 170 жыл, Кетбұқа жырауға  – 865 жыл, Ұлы Жеңіске – 70 жыл, Қазақстан халқы Ассамблеясына 20 жыл толуына байланысты тақырыптарды қамтыды. Көшпелі практикум жұмысына орталықтандырылған кітапхан жүйесінің барлық  филиалдарының қызметкерлері қатысты. С. Сейфуллин атындағы кітапхана қызметкерлері «Бес нәрсеге асық бол» жыр алаңы, «Ерліктің арқауы, елдіктің бастауы» дартс ойыны, «Абыз тұлға, аңыз тұлға – Кетбұқа» кітаптың беташары, М. Әуезов атындағы кітапхана ұжымы «Ұлы Жеңіс шырағы» атты викторина оригами, №7 кітапхана-филиалы «Бір ел бір кітап» акциясы бойынша І. Есенберлиннің «Көшпенділер» романы бойынша әдеби лото, №9 үлгілі кітапхана-филиалы «Достықты паш еткен» тақырыбында ұлттық ойын алаңы, №2 үлгілі кітапхана-филиалы балалар энциклопедиялары бойынша «Ғажайып деректер» Open Air сәтін өткізді.  Бұл тақырыптардағы іс-шараға ауыл тұрғындары мен кітапхана оқырмандары жас ерекшеліктеріне қарамастан жоғары белсенділікпен  қатысты. Селода өткізілген игілікті іс-шараны селолық мәдениет үйінің  меңгерушісі К. Мағзұмов сөз сөйлеп ашып берді. Әрі қарай көшпелі практикум кезек-кезегімен бағдарламаға сай өз жұмыстарын толық атқарып шықты. Осы іс-шараға белсене қатысқан көпшілік қойылған сұрақтарға жауап беріп, сыйлықтарын алып, ән салып, практикумның жақсы өтуіне өз үлестерін қоса білді. Қатысушы оқырмандардың көңілдері бір көтеріліп, серпіліп қалды.   Шара сонында ауыл ақсақалдар кеңесінің төрағасы Ілияс Беркінбаев ақсақал  жылы лебізін білдіріп,  кітапханашыларға еңбектері жемісті болсын, шығармашылық табыс тілейміз деп ауыл тұрғындары атынан  алғысын айтты.     
«Жасыл елдің» екі кезеңі аяқталды
«Жасыл елдің» екі кезеңі аяқталды «Жасыл ел» студенттік құрылыс отрядының екінші кезеңі аяқталды. Осыған орай, «Металлург» стадионында салтанатты шара өтіп, футболдан жарыс ұйымдастырылды.    «Жасыл ел» – оқушы, студент, жұмыссыз жастарды маусымдық жұмысқа орналастыруға, қала мен аудандарды абаттандырып, көгалдандыруға, сонымен қатар, экологияны жақсартуға, жастарды отансүйгіштікке тәрбиелеу, қоршаған орта – табиғатты аялауға арналған бағдарлама. Ұйымның Жезқазған қалалық филиалы да бірнеше жылдан бері осы бағытта қызмет атқарып келеді. Биылғы жылы аталған бағдарламаға Жезқазған қаласы бойынша 3 млн. 180 мың теңге қаржы бөлінген.   «Металлург» стадионында өткен іс-шара еліміздің Әнұранымен басталып, құрметті қонақтардың жылы лебіздеріне ұласты. Алғашқы болып Жезқазған қаласы жастар бастамалары орталығының директоры Бақытжан Көпбаев сөз алып, «Жасыл ел – 2015» жұмысшы жастар отрядының үздіктері – Ерсін Бауыржанұлы, Әділ Асылбеков, Райымбек Арыстановты Алғыс хатпен марапаттады. Сонымен қатар,  «Атакент» ЖШС-ның маманы Самат Өмірбеков 1 маусымның үздіктері – Мая Әбжанова, Айтыс Өтенов, Бексұлтан Базарбай, Арман Жорабековке Алғыс хат тапсырды. Жастар көшбасшысы «Жас Отан» жастар қанатының төрағасы, «Жасыл ел» жұмысшы жастар отрядының жетекшісі Әлия Өксікбаева жастарға жалынды сәлемін жеткізе отырып, бірінші кезең бойынша ерекше көзге түскен Маусымжан Сарина, Жора Әбілғазы, Любовь Ботяницкаяның еңбектерін атап өтіп,  Алғыс хатпен марапаттады.  «Жасыл ел» жұмысшы отрядына биылғы жылы Жезқазған қаласы бойынша аз қамтылған отбасынан 80, балалар мен жасөспірімдер үйінен және «Үміт» балалар үйінен 12, көп балалы отбасынан 42 бала, сондай-ақ, 16 студент жастар алынды. Әрбір еңбек етуші жасқа бөлінетін бір айлық жалақы көзі республикалық штабтан 17 мың 697 теңге және «Атакент- TTS»  ЖШС-нан 21 мың 364 теңге. Сонда «Жасыл елге» қатысқан жас айына 39 мың 61 теңге жалақы алуда.  Екінші кезеңнің жабылу салтанатына орай ұйымдастырылған футбол ойыны бойынша І орын «Қайрат», ІІ орын «Қайсар», ІІІ орын «Шахтер» командаларына бұйырып, арнайы Кубок тапсырылды.  Қазіргі таңда үшінші маусымда еңбек ететін жастардың тізімі жасалып, құжаттары рәсімделуде.  
Қадірлі металлургтер!
Қадірлі металлургтер! Қымбатты металлургия саласының ардагерлері! Сіздерді кәсіби мереке – Металлург күнімен шын жүректен құттықтаймыз! Мыс – біздің өлкенің байлығы. Бұл байлық Сіздердің еңбектеріңіз нәтижесінде адамдарға қызмет етуде, әрбір отбасының, баршамыздың ортақ үйіміз Қазақстан Республикасының әл-ауқатын арттырып, молшылық көзі болып отыр. Мемлекет басшысы Нұрсұлтан Әбішұлы Назарбаев ел экономикасына лайықты үлес қосып отырған біздің металлургтердің еңбегін бағалап: «Металлургия саласы – ел дамуының басым бағыттарының бірі. Біздің жетекші кәсіпорындардың өнімі әлемнің көптеген елдерінің халық шаруашылығы салаларында қолданылуда. Бұл біздің металлургтердің қажырлы еңбегінің айғағы» деген болатын. Металлург мамандығы қашанда қажырлы, еңбекқор, рухани жағынан мықты адамдардың кәсібі болып саналған. От-жалында шыңдалған мамандық иегерлері біздің ардагерлердің тәжірибесі мен шеберлігі – біздің өлкенің бірегей игілігі. Бүгін біздің аймақта металлургия өнеркәсібін құрып, қалыптастырудың бастауында тұрған жандарға арнап айтар алғысымыз үлкен. Алдыңғы буынның игі дәстүрін лайықты жалғастырып, қаламыздағы металлургия кәсіпорындарында еңбек етіп жатқан азаматтардың баршасына ризашылығымызды білдіреміз. Сіздердің мамандыққа берілген, еңбекқорлықтарыңыз, жоғары жауапкершіліктеріңіз бен шеберліктеріңіз айрықша құрметке ие.   Қымбатты металлургтер!   Бүгінгі мереке күні Сіздерге, сіздердің отбасыларыңызға мықты денсаулық, зор табыс, мол бақыт тілейміз. Туған қаламыз Жезқазған мен Отанымыз Қазақстанның игілігі жолында жаңа табыстарға жете беріңіздер. Өздеріңіздің үздік дәстүрлеріңізге сай болып, металлургтердің даңқын асыра беріңіздер! Мерекелеріңізбен!    Құрметпен,  Жезқазған қаласының әкімі                                                 Б. Ахметов   Қалалық мәслихаттың хатшысы                                         С. Медебаев    
Қала жұртшылығы Қадір түнін қарсы алды
Қала жұртшылығы Қадір түнін қарсы алды Шілде айының 13-нен 14-не қараған түні Жезқаған қаласының жұртшылығы қасиетті Қадір түнін қарсы алды.   Ахмет ишан Оразайұлы атындағы мешітке жиналған жұрт мол болды. Мешітіміздің бас имамы Мәди Тоқпанұлы Смағұлов жиналған жамағатты қасиетті Қадір түнімен құттықтап, осы түні жасалатын құлшылықтар жайында айтып өтті. Содан соң жамағатпен бірге намаз оқылды.  Тарауих намазынан кейін мешіт имамдары Қадір түні жайлы уағыз айтып, жамағатқа үш кезеңнен тұратын ислам діні, пайғамбарлар өмірі және фиқһ мәселесі бойынша сұрақтар қойды. Жеңімпаздарға арнайы сыйлықтар берілді.  Маусым айының 17-нен бастап, Жезқазғанға атбасын тіреген Түркиядан келген қари Али Кок мешітімізде хатым Құран өткізіп, осы Қадір түні аяқтады. Али Кок алғаш жиналған жамағаттың көп болғанын, әсіресе, жастардың көп жиналғанын көріп, қуанышын білдірді. Келешекте мешітте әрқашанда азан даусы естіліп, осындай жамағат күннен күнге көбеюін тілеп батасын берді.   
«Қазмедиа» орталығында біліктілікті жетілдіруге мүмкіндік мол
«Қазмедиа» орталығында біліктілікті жетілдіруге мүмкіндік мол «Дидар» телестудиясының баспасөз орталығында «Қазмедиа орталығының» аймақтық директоры Оралбек Сарыбасов жергілікті БАҚ өкілдерімен кездесті.  Оралбек Рахманқұлұлының Жезқазған өңіріне сапарының мақсаты – аймақтағы журналистиканың хал-жағдайымен жақынырақ танысып, мүмкіндігінше  іс-тәжірибе алмасуға шақыру.Сонымен қатар, медиаорталықтың мүмкіндігін пайдалана отырып, аймақтық БАҚ аумағын кеңейту. Бұл жергілікті БАҚ-ның республикаға танылу мүмкінділігі артуына жағдай жасайды.    «Қазмедиа орталығы» – ұлттық теледидар және радиохабар арналарын жасау және тарату кешені. Қазақстандық БАҚ-тарды бір орталыққа біріктіру мақсатында Мемлекет Басшысының тапсырмасы бойынша 2012 жылы қолдануға берілген болатын. Бүгінде орталықта мемлекеттік ірі телерадио корпорациялар мен бірнеше телеарналар мен радиолар орналасқан.  Орталықтың ашылу салтанатында Елбасы Нұрсұлтан Назарбаев «Қазмедиа орталығы» – Тәуелсіздік күні өзіміздің БАҚ-тарға сыйлығымыз. Мұнда еліміздің барлық негізгі телерадио арналары орналасады. Медиаорталық әлемдегі озық жабдықтармен жабдықталған. Оған жауап ретінде мен отандық ақпарат өнімдерінің сапасының артатынын күтемін» деген болатын. Айтқанындай, орталық түгелдей соңғы техникамен жабдықталып, бар мүмкіндікті қолданып отыр. Сондай-ақ, орталықта журналистер мен телеоператорлар, фотографтар мен дизайнерлерге арналған білім жетілдіру мектептері жұмыс істейді. Алғашқы кезде Ақпарат министрлігі жанынан ашылған мектептер қазір медиаорталық  қарамағында. Сондықтан, бұл мектептер мемлекеттік болғанымен, дәріс алушыларға ақылы қызмет көрсетеді. Мұнда бүгінде еліміздің әр облысынан, атап айтсақ, Оңтүстік Қазақстан, Тараз, Алматы облыстарынан журналистер білімдерін жетілдіріп, республикалық БАҚ-мен тәжірибе алмасып, аймақтық журналистиканың дамуына үлес қосуда.  Техникалық  және коммерциялық мүмкіндігі шектеулі аймақтық БАҚ қызметкерлерінің біліктілігін жетілдірулеріне қала, аудан басшылары мүдделі болулары тиіс, деп санайды «Қазмедиа» орталығының аймақтық директоры Оралбек Сарыбасов.  
Қала әкімі ауызашар берді
Қала әкімі ауызашар берді Пайғамбарымыз (с.ғ.с) «Аузы берік жанды ауызашарға шақырып, тамақ берген кісі –  ораза ұстаған адамның алатынындай сауап алады» деген. Рамазан айында ауызашар беруді дәстүрге айналдырып, Аллаһ Тағаланың разылығы үшін ораза ұстап жүрген мұсылман бауырларына  дастархан жаятын азаматтар қаламызда жылдан-жылға көбейіп келеді.   Осы игі істі қолдаған Жезқазған қаласының әкімі Батырлан Ахметов қасиетті айда ниет қылып, ауыз бекіткендерге Ахмет ишан Оразайұлы атындағы мешітте ауызашар берді.  Жиналған көпшілік ақшам намазын оқығаннан кейін, қала әкімі жайған ақ дастарханға жайғасты. Мешіттің үлкен залында 120-дай жамағат жиналған дастархан басында уағыз-насихаттар айтылды. Ахмет ишан Оразайұлы атындағы Жезқазған аймақтық мешітінің бас имамы Мәди Смағұлов меймандарды қасиетті Рамазан айымен құттықтап, имандылық турасында әңгіме өрбітті.  Игі шара барысында ақсақалдар тарапынан көкейде жүрген мәселер де айтылып жатты. Ақсақалдар атынан сөз алған Зәукен қажы  бірнеше жыл  бұрын көтеріліп, кейінгі кезде  назардан тыс қала бастаған жаңа мешіттің құрылысы туралы ой қозғады.  Батырлан Дүйсенбайұлы өз кезегінде қаламызға  жаңа мешіт өте қажет екенін айта келіп, бүгінгі күнде қасиетті нысан үшін жер телімінің белгіленгенін, Аллаһ Тағала қаласа, игілікті іс көп кешікпей қолға алынатынын жеткізді.  Сондай-ақ,  болашақ мешіт қаланың ортасында салынатыны жоспарланып отырғанын айтты. Көптен бері көкейде жүрген бұл  сұрақ шешімін табатынына үміт артқан халық ризашылығын білдіріп жатты.  Сауабы мол басқосуда Қадыр қажы, Сайлаубек қажылар жиналған жұртшылыққа насихат айтып, ұйымдастырушыларға жылы лебіздерін арнады. Бір хадис шәрифте: «Амалдардың ең үстемі – бір мұсылманның қарнын тойғызу және қажеттілігіне көмектесу арқылы қуанту», – делінеді. Дәм ішіліп болған соң қаламыздың құрметті ақсақалы, жазушы Аппаз Қаражігітов: «Ауызашар беру – өте сауапты амал. Әсіресе, ол ораза ұстаған кісілерге берілетін болса, сауабы мыңдаған есе артады. Тамақ беруді, қонақ күтуді ғанибет деп білу қажет» екенін айта келіп дастарханға бата жасады.   
 
Фотосурет...
Сайтты пайдаланушылардан сұрау
Жезқазған қаласы тұрғындарының қанша пайызы (%) компьютерді меңгерген?
 
Ежедневные курсы валют в Республике Казахстан

Ұлыстың Ұлы күні – Наурыз мейрамы туралы ақпарат

 

Көктем -  жаңару мен  жасарудың, үміт пен  қуаныштың, жақсылық атаулының жаршысы!  Тіршіліктің тірілуімен бірге әрбір шаңыраққа шаттық болып енетін Наурыз мейрамы да  көктемде тойланады. Наурыз – ықылым заманнан бері тойланып келе жатқан молшылық пен берекенің бастауы болған төл мерекеміз!

Наурыз – күнтізбедегі жаңа жылдың жаңа парағының ашылатын сәті!  Наурыз – еңбектеген баладан, еңкейген қартқа дейін қуанышқа кенеліп, ақ түйенің қарны жарылып, наурыз көжеге қарқ болып, елдің еңсесінің  көтеріліп,  шат-шадыман болатын күні!

Биылғы Наурыз мейрамы еліміздің Тәуелсіздік алғанына 20 жыл толуы қарсаңында «Дәстүр» ұранымен өтеді. Мемлекеттік мереке – наурыз мейрамы айдың ең басты мерекесінің бірі болмақ. Барлық мерекелік іс-шаралардың идеологиялық мазмұны Елбасының биылғы Жолауын жүзеге асыруға бағытталады.

Наурыз мейрамын мерекелеудің мақсаты Қазақстандағы бейбітшілік пен келісімді нығайту, этносаралық достықты нығайту, ішкі саяси тұрақтылықты қамтамасыз ету.

Жезқазған қаласында Наурыз мейрамы 21-23 наурыз күндері өтті. 21 наурыз күні Алашахан даңғылына киіз үйлер орнатылып, жұртшылыққа «Наурыз көже» тарату үшін қазандар орнатылып, сол күні киіз үйлерде халық дәстүрлерінен сайыс ұйымдастырылды. 23 киіз үйлер орнатылады.

Наурыз мейрамы қалада 22 наурыз күні өтті. Ұлттық салт-дәстүрлер элементтерімен әрленген театрландырылған шеру барысында Алаш алаңында Серке Қожамқұлов атындағы театр әртістерінің қатысуымен  театрландырылған қойылым өтеді. Мерекенің салтанатты ашылуынан соң Тайжан Қалмағанбетов атындағы филармония әртістерінің қатысуымен мерекелік концерт. Алаш алаңында бір мезетте спорттық шаралар өтеді. Ал сағат 15.00-де қазақ халқының ұлттық киім үлгісін көрсететін «Наурызға көрік берген сұлу-сән», «Үздік киіз үй» байқауларының марапаттау рәсімі және байқау қортындысы жарияланып, жеңімпаздарын марапаттау рәсімінен кейін қаланың көркемөнерпаздар ұжымдарының қатысуымен мерекелік концерт ұйымдастырылды.

Тәуелсіздікпен бірге қайта жаңғырған салт-дәстүрімізбен Наурыз мейрамы ғасырлар бұрынғы сән-салтанатымен біздің тұрмысымызға ендеп алды. Наурыз – жыл басы ғана емес, береке-бірліктің, ізгілік пен татулықтың, қайырымдылық пен кешірімділіктің, бауырмалдықтың мерекесі. Наурыздың қадір-қасиетін қазір біз жақсы білеміз. Ол – жаңа бастамалар, жаңа қуат және тың күштің бастауы, қайнар бұлағы.

Баршаларыңызға, әр отбасына шын жүректен, шынайы көңілмен бақ-береке тілеймін. Еліміз аман, жұртымыз тыныш болсын!

Нұрын төккен, шуағы мол Наурыз халқымызға – ынтымақ, елімізге – молшылық, әр шаңыраққа – бақыт пен шаттық әкелсін.

Ұлыс бақты болсын, төрт түлік ақты болсын!

2010 жылдың Қарағанды облыстық мәдениет басқармасының қорытындысымен Жезқазған қаласының мәдениет және өнер майталмандары еңбектері еленіп:

Т.Қалмағанбетов атындағы филармония директоры Р. Сексенбаев «Жыл әртісі» номинациясы, С. Қожамқұлов атындағы театр әртісі Б.Әлкенова «Жыл актрисасы» номинациясы, «Мақпал» би ансамблінің жетекшісі Г. Смагулова «Жыл хореографы» номинациясы, Ибраева Разия Болатқызы «Музейдің үздік қызметкері» номинациясының иегері атанды. (на казахском языке)
 
2011 жылдың 11 наурыз күні Жезқазған қаласының мәдениет және тілдерді дамыту бөлімінде бөлім бастығы С. Нұрлыбаева қаламыздағы мәдениет және өнер мекемелері басшыларымен кеңейтілген аппараттық кеңесін өткізді. Аталмыш кеңес отырысына: Нұрлыбаева С.С., Төлеш Қ.Ж., Шомаева Г.К., Түгелбаева Ғ.Ө., Чантуов М.Н., Бекишева Қ.Қ., Ештанаев Ғ., Жанботаев Д.Ә., Сексенбаев Р.К., Чумакова З.С., Аманова Н.Т., Капкеева Ш.Қ., Чубарова А.В. қатысты.  
 
Күн тәртібінде:
1. Бөлім бастығы С.Нұрлыбаева мекеме басшылары мен бөлім қызметкерлерін 8 наурыз – Халықаралық әйелдер күнімен және алдағы келе жатқан «Наурыз мейрамы» мерекесімен құттықтап, Жезқазған қаласын дамыту бойынша қала әкімінің 20 бағдарламасына сәйкес құрылған «Тілтану» оқу-әдістемелік орталығы» мемлекеттік мекемесі туралы тоқталып, конкурс бойынша директор лауазымына тағайындалған Ғ.Ештанаевты таныстыруы;
2. 2011 жылдың 2 мен 4 наурызы аралығында өткен ҚР Тәуелсіздігінің 20 жылдығына арналған ХХІ «Ұлытау үні» аймақтық фестивалінің іс-шараларына тоқталып, мекеме басшылары мен бөлім қызметкерлеріне алғысын білдіруі туралы;
3. Мекеме басшыларының атқарылған және жоспарланған іс-шаралары бойынша есеп берулері туралы;
4. Тәуелсіздік монументі және С.Сейфуллин ескерткіші туралы;
5. Құқықтық білім беру мектебінің іс-шаралары туралы;
6. 2011 жылдың 3 сәуірінде ҚР Президентін сайлау күніне арналған іс-шаралар туралы;
7. 22 наурыз – Наурыз мейрамының іс-шаралары туралы;
8. Халықтар достығы мен мәдениет үйінің ағымдағы жөндеу жұмыстарына берілген конкурс          
туралы;
9. Әр түрлі мәселелер қарыстырылды.
Кеңес отырысының соңында мәдениет және өнер мекемелері басшыларына келесі тапсырмалар: Тәуелсіздік монументі және С.Сейфуллин ескерткіші туралы мәселені бақылауда ұстау, Қ.Аманжоловтың мүсіні туралы мәселе, 22 наурыз – «Наурыз мейрамы» күніне арналған іс-шаралар туралы, «Наурыз мейрамы» күніне арналған мерекелік шеру, «Наурыз мейрамы» мерекесіне арналған концерт (сценарий, жүргізушілер, сахнаны безендіру, дыбыстандыру, марапаттау дипломдары), «Наурыз мейрамы» мерекесіне арналған көрініс (театрализация), «Наурыз мейрамы» мерекесіне орай аз қамтылған отбасылар мен мүгедектерге азық-түлікпен көмек көрсету сияқты мәселелер жүктеліп, тиісті тапсырмалар берілді. 
 
Қазақстан Республикасының Президенті Н.Ә.Назарбаевтың Қазақстан халқына «Болашақтық іргесін бірге қалайық» атты Жолдауы мәдениет және өнер мекемелерінде қызу талқыланып, Жолдауда көрсетілген еліміздің дамып-көркеюіне қатысты мәселелер халық көңілінен шығып, Елбасының салиқалы саясатына деген үміттерін арттыра түсті. Елбасының Қазақстан халқына Жолдауының міндеті ауқымды, мақсаты айқын, жылдан-жылға бағдарламаның орындалуын қадағалап, толықтырып отыруға арналған. Міне, осы бағдарламаны насихаттау мақсатында «Орталықтандырылған кітапхана жүйесі» ММ-нің балалар мен жасөспірімдер кітапханасы филиалының 10-11 сынып абонементінде 8 сәуір күні «Елбасы Жолдауы-халықтың қолдауы» атты дөңгелек үстел ұйымдастырылды. Шараға Жезқазған индустриалды-гуманитарлық колледжінің 1 курс студенттері қатысты. Дөнгелек үстел барысында жастар жаңа онжылдықты Қазақстан ЕҚЫҰ –ға төраға болып, әлемдік деңгейдегі тарихи оқиғамен басталғаны жайлы айта келе, Жолдауда барлық Қазақстан халқына жақсы жағдай жасалатындығы көзделгені туралы ойларын ортаға салды. «Орталықтандырылған кітапхана жүйесі» ММ-нің №5 кітапхана филиалында «Елбасы жолдауы – халықтың қолдауы» атты кітап көрмесі, №8 кітапхана-филиалында «Елбасы жолдауы елдің қамы» атты пікір алмасу ұйымдастырылды.
 
Жезқазған қаласының мәдениет және тілдерді дамыту бөлімінің ұйымдастыруымен 2011 жылдың 10 сәуір күні сағат 11.00- де Ғарышкерлер бульварында адамзат баласының алғашқы ғарышқа ұшуының 50 жылдық мерейтойына орай мерекелік іс-шара ұйымдастырылды. Сол күні сағат 15.00-де С.Қомажқұлов атындағы қазақ сазды-драма театры алдында академик Қ.И. Сәтбаевтың туған күніне орай қала жұртшылығына арнап мерекелік іс-шара және митинг ұйымдастырлды.
2011 жылдың 22 сәуір күні сағат 17.00-де С.Қомажқұлов атындағы қазақ сазды-драма театрында «Жезқазғанның сөнбес жұлдыздары» жобасы аясында Қазақстан Жазушылар Одағының мүшесі С. Нәкеновті еске алу кеші және ақынның «Бозторғайы жанымның» атты жыр жинағының тұсаукесер рәсімі өткізілді.
2011 жылдың 23 сәуір күні сағат 11.00-де белгілі журналист, прозаик Камал Смаилов көшесі бойына ақынның пилоны орнатылып, салтанатты жиын өткізілді.
2011 жылдың 28 сәуір күні сағат 10.00-де Халықтар достығы мен мәдениет үйінде аймақтық «Күміс қоңырау» жас орындаушылар байқауы өткізілді.
2011 жылдың 29 сәуір күні сағат 11.00-де Халықтар достығы мен мәдениет үйінде аймақтық «Әнші балапан» байқауы өткізілді.
2011 жылдың 30 сәуір күні сағат 18.00-де С.Қомажқұлов атындағы қазақ сазды-драма театрында «Жезқазғанның сөнбес жұлдыздары» жобасы аясында М. Постаноговты еске алу кеші қйымдастырлды.
 2011 жылдың 1 мамыр күні сағат 11.00-де Қазақстан халықтары бірлігі күні мерекесіне орай қаламыздағы ұлттық мәдениет орталықтардың қатысуымен мерекелік концерт өткізілді.
2011 жылдың 6 мамыр күні сағат 11.00-де Жезқазған қаласы әкімі Б.Әбдіғалиұлының Екінші дүниежүзілік соғыс ардагерлері құрметіне орай мерекелік дастархан жайылып, соңы мерекелік концертке ұласты.
2011 жылдың 7 мамыр күні сағат 12.00-де аумақтық соғысқа қатысушыларға арналған ескерткіштің салтанатты ашылуы өткізілді.
2011 жылдың 9 мамыр күні сағат 10.00-де 9 мамыр - Жеңіс күні мерекесіне орай Екінші дүниежүзілік соғыстың ардагерлері мен құрбандарын еске алуға байланысты салтанатты шеру мен Жезқазған қаласындағы Даңқ аллеясында митинг ұйымдастырылды.     

 

2011 жылдың 12 мамыр күні «Жезқазған қаласының алаңдарын, ықшам аудандарын, орамдарын және көшелерін қайта атау туралы және Малшыбай
селосының № 15 орта мектебіне атау беру туралы» ономастикалық комиссия отырысы өткізілді.   
                2011 жылдың 14 мамыр күні Жезқазған қаласында Абылай хан ескерткішінің салтанатты ашылуы және «Абылай хан» атты республикалық ғылыми-практикалық конференция өтті.
                 2011 жылдың 14 және 15 мамыр күндері қала тұрғындарының бос уақытын тиімді пайдалану мақсатында «Көңілді әуен кештері» мәдени-демалыс концерті ұйымдастырылды.
                2011 жылдың 17 мамыр күні «Балалық шағымның аспаны» атты фильмнің премьерасының көрсетілімі өтті.
                2011 жылдың 19 мамыр күні медициналық колледждің 50 жылдық мерей тойына арналған кеш-концерт өтті, сол күні қазақтың ұлттық дәстүрлі әнін насихаттаушы, дәстүрлі әнші Еркін Шүкімановтың концерті өткізілді.
                2011 жылдың 20 мамыр күні Жезқазған қаласында Сәтбаев қаласының өнер жұлдыздарының концерті ұйымдастырылды.
                2011 жылдың 21-31 мамыр күндері аралығында
Т. Қалмағамбетов атындағы Жезқазған филармониясының әртісі Махамбет Қаратай Астана қаласында өткен «Жас қанат-2011» республикалық жас орындаушылар конкурсына қатысты.
                2011 жылдың 23 мамыр күні үш жылда бір рет өткізілетін халықтық, үлгілі өнерпаздар ұжымдарының республикалық аттестациясы өтті.
                2011 жылдың 24-29 мамыр күндері аралығында
Т. Қалмағамбетов атындағы Жезқазған филармониясының «Ән көңілдің ажары» тобының Қ. Аманжоловтың 100 жылдығына арналған Қарағанды облысы бойынша гастрольдік іссапары өткізілді.
                2011 жылдың 27-31 мамыр күндері аралығында «Нұрсәулемай» үлгілі хореографиялық ансамблінің «Айгөлек» республикалық телевизиялық конкурсына қатысты.
                2011 жылдың 28 мамыр күні Ұлы Отан соғысының ардагері, Жезқазған қаласының Құрметті азаматы Қ. Макенбаевті еске алу кеші және «Жадымда бәрі жазулы» атты кітабының тұсаукесері өтті, сол күні «Жігіт сұлтаны» байқауы өткізілді.
2011 жылдың 21-22, 28-29 мамыр күндері аралығында қала тұрғындарының бос уақытын тиімді пайдалану мақсатында «Көңілді әуен кештері» мәдени-демалыс концерті ұйымдастырылды.
2011 жылдың 31 мамыр күні саяси қуғын-сүргін құрбандарына арналған ескерткішінің ашылуы өтті.
 

12 шілде күні Жезқазған Индустриалдық гуманитарлық колледжінде

«Үздік іс жүргізуші». Қала мекемері аудармашылар арасындағы қалалық байқау өтті.

15 шілде күні Металлургтер күніне арналған Алаш алаңында мерекелік концерт ұйымдастырылды.

16-17 шілде күндері қала тұрғындарына арналған «Көңілді әуен кештері». Мәдени-демалыс бағдарламасы ұйымдастырылды.

20 шілде күні «Жезқазған қаласының мәдениет және тілдерді дамыту бөлімі» мекемесінің бастығы С.С.Нұрлыбаеваның Қарағанды қаласында өткен облыстық тілдерді дамыту жөніндегі басқармасының алқа мәжілісіне қатысуы болды.

23-24 шілде күндері қала тұрғындарына арналған «Көңілді әуен кештері». Мәдени-демалыс бағдарламасы ұйымдастырылды.

5 тамыз  күні С. Қожамқұлов атындағы қазақ сазды-драма театрында «Нілді Жезқазған теміржолына – 73 жыл»  толуына орай мерекелік кеш ұйымдастырылды.

6-7 тамыз күндері қала тұрғындарына арналған «Көңілді әуен кештері». Мәдени-демалыс бағдарламасы ұйымдастырылды. 

 

 

2011 жылдың 26 қыркүйек күні Халықтар достығы мен мәдениет Үйі ғимаратында Қазақ ұлттық өнер университетінің қазақ ұлт аспаптар оркестрінің Қазақстан Республикасы Тәуелсіздігінің 20 жылдық мерекесіне арналған «Туы биік туған ел!» атты концерті өтті. 
2011 жылдың 7 қазан күні балалар мен жасөспірімдер кітапханасынын оқу залында қалалық «Үміттің алқызыл желкені» атты фестивалі ұйымдастырылды.
2011 жылдың 14 қазан күні Халықтар достығы мен мәдениет Үйі ғимаратында «Тәуелсіздік тірегім» атты мектеп оқушылары арасында патриоттық әндер конкурсы өткізілді.
2011 жылдың 18 қазан күні С. Қожамқұлов атындағы қазақ сазды-драма театры ғимаратында белгілі журналист, көсем сөз шебері Кенжеболат Жолдыбайдың 60 жылдық мерейтойына арналған «» атты шығармашылық кеші өтті.
2011 жылдың 19 қазан күні С. Қожамқұлов атындағы қазақ сазды-драма театры ғимаратында төтенше жағдайлар құрылымының 16 жылдық мерейтойына арналған салтанатты іс-шара ұйымдастырылды.

 

2011 жылдың 18 тамыз күні Жезқазған қаласында шағын бақтың салтанатты ашылу рәсімі өтті.
2011 жылдың 20-21, 27-28 тамыз күндері қала тұрғындары мен қонақтарының бос уақытын тиімді ұйымдастыру бағытында «Көңілді әуен кештері» бағдарламасы ұйымдастырылды.
2011 жылдың 30 тамыз күні Металлургтер алаңында (бұрынғы Алғашқы құрылысшылар алаңы) Қазақстан Республикасының Ата Заңы күніне орай қаланың көркемөнерпаздар ұжымдарының қатысуымен мерекелік іс-шара өткізілді.
2011 жылдың 3-4 қыркүйек күндері қала тұрғындары мен қонақтарының бос уақытын тиімді ұйымдастыру бағытында «Көңілді әуен кештері» бағдарламасы ұйымдастырылды.
2011 жылдың 5-і мен 22-і қыркүйегі аралығында Қазақстан халқының тілдері мерекесі фестивалі аясында Жезқазған қаласының мәдениет және тілдерді дамыту бөлімінің ұйымдастыруымен төмендегідей іс-шаралар легі ұйымдастырылды:
2011 жылдың 5 қыркүйек күні Ө.А.Байқоңыров атындағы Жезқазған университетінде «Тіл – ұлт болашағының кепілі» атты лекция ұйымдастырылды.
2011 жылдың 7 қыркүйек күні «Металлург» стадионында Жезқазған қаласы Күні мерекесіне орай, Қазақстан эстрада жұлдыздарының қатысуымен мерекелік іс-шара өткізілді.
2011 жылдың 12 қыркүйек күні №5 кітапхана-филиалында «Елдің болашағы – мемлекеттік тілде» атты дөңгелек үстел өтті. Сол күні балалар мен жасөспірімдер кітапханасы-филиалында «Тіл керуені» атты мерекелік кеш өтті.
2011 жылдың 14 қыркүйек күні Жезқазған индустриалды-гуманитарлық колледжінде «Тіл – ұлт болашағының кепілі» атты лекция өтті. Сол күні Теректі стансасының №3 кітапхана-филиалында «Тіл ұлттың жаны, халықтың үні» атты әдеби-сазды кеш ұйымдастырылды.
2011 жылдың 16 қыркүйек күні Халықтар достығы мен мәдениет үйінде «Қазақстан-достықтың мекені» атты фестиваль өтті.
2011 жылдың 19 қыркүйек күні «Тілтану» оқу-әдістемілік орталығы» ММ-де «Жыр маржандары» атты жас ақындармен кездесу кеші өтті.
2011 жылдың 20 қыркүйек күні тарихи-археологиялық мұражайында «Тілім менің – тірлігімнің айғағы» атты дөңгелек үстел өтті. Сол күні №2 моделді кітапхана-филалында «Қазақ тілі – менің тілім» атты сайыс өткізілді.
2011 жылдың 21 қыркүйек күні Қорғанбай бөлімшесіндегі №8 кітапхана-филиалында «Шығар тауым биік болсың, туған тіл» атты жыр кеші ұйымдастырылды. Сол күні С.Сейфуллин атындағы кітапханасында «Тіліміздің теңдігі – ұлтымыздың елдігі» атты әдеби-сазды кеш өткізілді.
2011 жылдың 22 қыркүйек күні М. Әуезов атындағы кітапхана-филиалында «Тіл - жаның, тіл – қаның, тіл – арың, тіл – әнің» атты мерекелік шоу өткізілді.
 
2011 жылдың 26 қыркүйек күні Халықтар достығы мен мәдениет Үйі ғимаратында Қазақ ұлттық өнер университетінің қазақ ұлт аспаптар оркестрінің Қазақстан Республикасы Тәуелсіздігінің 20 жылдық мерекесіне арналған «Туы биік туған ел!» атты концерті өтті. 
2011 жылдың 7 қазан күні балалар мен жасөспірімдер кітапханасынын оқу залында қалалық «Үміттің алқызыл желкені» атты фестивалі ұйымдастырылды.
2011 жылдың 14 қазан күні Халықтар достығы мен мәдениет Үйі ғимаратында «Тәуелсіздік тірегім» атты мектеп оқушылары арасында патриоттық әндер конкурсы өткізілді.
2011 жылдың 18 қазан күні С. Қожамқұлов атындағы қазақ сазды-драма театры ғимаратында белгілі журналист, көсем сөз шебері Кенжеболат Жолдыбайдың 60 жылдық мерейтойына арналған «» атты шығармашылық кеші өтті.
2011 жылдың 19 қазан күні С. Қожамқұлов атындағы қазақ сазды-драма театры ғимаратында төтенше жағдайлар құрылымының 16 жылдық мерейтойына арналған салтанатты іс-шара ұйымдастырылды.
2011 жылдың 7 қазан мен 24 қараша аралығында Кеңгір, Талап селоларының орта мектептері, қала колледждері мен қазақ-түрік лицейінде «Тәуелсіз Қазақстан: тұрақтылық пен өркендеу жолында» атты жылжымалы көрме ұйымдастырылды.
2011 жылдың 14 қараша күні С.Сейфуллин атындағы кітапхананың акт залында «Кітапхана – даналық мекені» атты мереке ұйымдастырылды.
2011 жылдың 18 қараша күні С.Қожамқұлов атындағы театрда Қазақстан Республикасы Тәуелсіздігінің 20 жылдығына арналған Тәелсіздіктің құрдасы «Ақ әжелер» ансамблінің «Ән қанаты» атты мерекелік кеш-концерті ұйымдастырылды.
2011 жылдың 24 қараша күні С.Қожамқұлов атындағы театрда дарынды сазгер-әнші, Қазақстан Республикасының еңбек сіңірген мәдениет қызметкері Жақсыкелді Сейіловтің мемориалдық тақтасының ашылуы (Мира көшесі, 45) және «Ұлытау ұлары» атты сазгер-әншіні еске алу кеші ұйымдастырылды.
2011 жылдың 26  қараша күні Халықтар достығы мен мәдениет үйінде 
Қазақстан Республикасы Тәуелсіздігінің 20 жылдығына арналған «Менің Қазақстаным» атты Қазақстан Республикасының Рәміздері туралы шолу ұйымдастырылды.
2011 жылдың қараша айының 5,6,12,13,19,20,26,27 күндері Халықтар достығы мен мәдениет Үйі ғимаратында қала тұрғындары мен қонақтарына арнап «Көңілді әуен кештері» бағдарламасы ұйымдастырылды.
 
2011 жылдың 2 желтоқсан күні тарихи-археологиялық мұражайда Қазақстан Республикасы Тәуелсіздігінің 20 жылдығына арналған «Алтын арна» атты фольклорлық-этнографиялық кеш ұйымдастырылды.
 
2011 жылдың 10 желтоқсан күні С.Қожамқұлов атындағы қазақ сазды-драма театрында қобызшы, дирижер, ҚР Мәдениет қайраткері Б.Сәдуақасовтың «Қобызым-қоңырым» атты есеп беру кеші өтті.
 
2011 жылдың 13 желтоқсан күні С.Сейфуллин атындағы кітапхананың мәжіліс залында Ақкүлше Ибраеваның «Ақ ниет» атты кітабының тұсаукесер кеші ұйымдастырылды.
 
2011 жылдың 14 желтоқсан күні С.Қожамқұлов атындағы қазақ сазды-драма театрында ел дамуына өзіндік үлес қосқан қаламыздағы мекемелер мен ұйымдардың біраз қызметкерлері мерейтойлық медальдармен және облыс әкімі тарапынан алғыс хаттармен марапатталды. Мәдениет және өнер мекемелерінің қызметкерлері де бұл игі ісшарадан кенде қалған жоқ. Атап айтар болсақ, Халықтар достығы мен мәдениет Үйі директорының орынбасары Н.Т.Аманова, «Тілтану» оқу-әдістемелік орталығы» ММ-нің директоры Ғ.Е.Ештанаев, С.Қожамқұлов атындағы қазақ сазды-драма театрының актрисасы Р.Ж.Ибраева, «Орталықтандырылған кітапхана жүйесі» ММ-нің директоры Ш.Қ.Кәпкеева, С.Қожамқұлов атындағы қазақ сазды-драма театрының көркемдік-қойылым бөлімінің меңгерушісі М.А.Қожақова, Т.Қалмағамбетов атындағы филармония әншісі, ҚР еңбек сіңірген әртісі Ғ.Мұхамедин, «Тарихи-археологиялық мұражайы көрме залымен» КМҚК-ның директоры З.С.Чумакова, «Тарихи-археологиялық мұражайы көрме залымен» КМҚК-ның көрме залының меңгерушісі Н.Н.Новгородова, соғыс және еңбек ардагерлерінің «Жезқазған маржандары» хор ұжымының жетекшісі Ж.Ө.Шоқтаев «Қазақстан Республикасы Тәуелсіздігінің 20 жылы» мерейтойлық медальдарымен және Т.Қалмағамбетов атындағы филармония директоры Р.К.Сексенбаев облыс әкімінің Құрмет грамотасымен және «Нұрсәулемай» үлгілі-хореографиялық ансамблінің жетекшісі М.А.Жараспаева облыс әкімінің Алғыс хатымен марапатталды.            
 
2011 жылдың 15 желтоқсан күні Жезқазған қаласындағы Халықтар достығы мен мәдениет Үйі ғимаратында Қазақстан Республикасының 20 жылдығына орай мерекелік кеш-концерт ұйымдастырылды. Жиналған жұртшылықтың назарына  жергілікті көркемөнерпаздар ұжымдары мен Қазақстан эстрадасының жұлдызы «Жігіттер» квартетінің әсем әндерден шашу шашты. 
 
2011 жылдың 22 желтоқсан күні С.Қожамқұлов атындағы қазақ сазды-драма театрында іріктеу комиссиясының қорытындысымен, алғашқы рет мәдениет және өнер мекемелерінің қызметкерлеріне әкім сыйақысы тапсырылды. Атап айтар болсақ, С.Қожамқұлов атындағы қазақ сазды-драма театрының әртісі Е.А.Байдешевке - «Жыл әртісі», Т.Қалмағамбетов атындағы Жезқазған филармониясының әртісі Ж.Г.Көпбосыновқа «Жыл әншісі», «Нұрсәулемай» үлгілі-хореографиялық ансамблінің жетекшісі М.А.Жараспаеваға «Көркемөнерпаздар ұжымының үздік жетекшісі»,  «Жезқазған қаласының орталықтандырылған кітапхана жүйесі» мемлекеттік мекемесінің  С.Сейфуллин атындағы кітапханасының ақпараттық-библиографиялық бөлімінің библиографы Ғазизова Ғалия Исламқызына «Жыл кітапханашысы», Жезқазған тарихи-археологиялық мұражайы директорының орынбасары Төлегенова Шолпанға «Жылдың үздік мұражай қызметкері», Теректі селосындағы №3 кітапхана-филиалының кітапханашысы Қасымбекова Махфруза Төлеубайқызына «Ауыл мәдениетінің үздік қызметкері» номинациясы, Жезқазған музыкалық колледжінің директоры Стамбакиев Қуандық Мамутұлына «Мәдениет және өнер саласын дамытуға қосқан үлесі үшін», «Ішкі саясат бөлімі» мемлекеттік мекемесінің әлеуметтік мәселелер жөніндегі кеңесшісі Түсіпов Изтөлеу Бекенұлына «Мәдени іс-шараларды үздік ұйымдастырушы» номинациясы, балалар мен жасөспірімдер сарайының оқытушысы Ширина Тамара Васильевнаға «Жыл суретшісі», Жезқазған қалалық «Дидар» телерадиохабарын тарату дирекциясының бас редакторы Нұрғалиева Лейла Ескенқызына «Жылдың үздік қаламгері» номинациялары салтанатты жағдайда табыс етілді.   
 
2011 жылдың 29 желтоқсан күні С.Сейфуллин кітапханасының мәжіліс залында тіл жанашыры Асқар Ермекбаевтың «Азамат асқан асулар» атты құттықтау кеші өтті. 
 
2011 жылдың желтоқсан айының 3,4,10,11,17,18,24,25,31 күндері Халықтар достығы мен мәдениет Үйі ғимаратында қала тұрғындары мен қонақтарына арнап «Көңілді әуен кештері» бағдарламасы ұйымдастырылды.
 
2012 жылдың 13 қаңтар күні С.Қожамқұлов атындағы қазақ сазды-драма театрында Г.Исинееваның «Алтын улытас» атты балаларға арналған ертегі қойылымы өтті.
2012 жылдың 16 қаңтар күні С.Қожамқұлов атындағы қазақ сазды-драма театрында Г.Исинееваның «Қоянның үйі» атты балаларға арналған ертегі қойылымы өтті.
2012 жылдың 18 қаңтар күні Қазақстан Мұсылмандары Діни
Басқармасы және Орта Азия мүфтилер кеңесінің төрағасы, бас мүфти, шейх Әбсаттар қажы Дербісәлінің Жезқазған тарихи-археологиялық мұражайында кездесу кеші өтті.
2012 жылдың 19 қаңтар күні Халықтар достығы мен мәдениет Үйі ғимаратында Қазақстан Мұсылмандары Діни Басқармасы және Орта Азия мүфтилер кеңесінің төрағасы, бас мүфти, шейх Әбсаттар қажы Дербісәлінің Жезқазған қаласы тұрғындарымен кездесуі ұйымдастырылды.
2012 жылдың 20 қаңтар күні С.Қожамқұлов атындағы қазақ сазды-драма театрында қала тұрғындарының назарына Ғ.Мүсіреповтың «Қозы Көрпеш-Баян сұлу» қойылымы ұсынылды.
2012 жылдың қаңтар желтоқсан айының 7,8,14,15,21,22,28,29 күндері Халықтар достығы мен мәдениет Үйі ғимаратында қала тұрғындары мен қонақтарына арнап «Көңілді әуен кештері» бағдарламасы ұйымдастырылды.
 
2012 жылдың ақпан айының 3-4 күндері С.Қожамқұлов атындағы қазақ сазды-драма театрында Д.Исабековтың «Актриса» атты қойылымы көрермен назарына ұсынылды.  
 
2012 жылдың ақпан айының 4,5,11,12, күндері Халықтар достығы мен мәдениет Үйі ғимаратында қала тұрғындары мен қонақтарына арнап «Көңілді әуен кештері» бағдарламасы ұйымдастырылды.

 

2012 жылдың 18,19,25,26 ақпан күндері Халықтар достығы мен мәдениет Үйі ғимаратында қала тұрғындары мен қонақтарына арнап «Көңілді әуен кештері» бағдарламасы ұйымдастырылды.
 
2012 жылдың ақпан айының 23 күні сағат 18.00-де Халықтар достығы мен мәдениет Үйі ғимаратында Т. Қалмағамбетов атындағы филармония әншілерінің «Арқа әуендері» атты концерті ұйымдастырылды.
 
2012 жылдың 28 ақпан күні сағат 15.00-да «Тілтану» оқу-әдістемелік орталығы» мемлекеттік мекемесі ғимаратында «Ономастика және көрнекі ақпараттар тілі» атты дөңгелек үстел өтті.
 
2012 жылдың 29 ақпан күні сағат 11.30-да Халықтар достығы мен мәдениет Үйі ғимаратында халық шығармашылығы мен көркемөнерпаздар өнерінің XXІІ аймақтық «Ұлытау үні» фестивалінің салтанатты ашылуы, сағат 12.00-де Жезқазған қаласының Құрметті азаматы, Қазақстан Журналистер одағының мүшесі, фототілші Б.Түбековтың «Суретті түсірген Бекет Түбеков» атты фотокөрмесі, сағат 17.30-да Қазақстан Республикасының еңбек сіңірген әртісі Ғ.Мұхамедин мен көркемсөз оқу шебері Ә.Айтжанованың «Ән тербеген ғұмыр» атты шығармашылық кеші өткізілді.
 
2012 жылдың 1 наурыз күні сағат 14.00-де Ұлытау ауданының Мәдениет Үйі ғимаратында «Күйші, жыршы, термешілер» сайысы өткізілді.
 
2012 жылдың 2 наурыз күні сағат 11.00-де Сәтбаев қаласының Ш.Ділдебаев атындағы кеншілер сарайында «Жұлдыз-2012». Жастардың эстрадалық әндер конкурсыөткізілді.
 
2012 жылдың 2 наурыз күні сағат сағат 17.30-да С.Қожамқұлов атындағы қазақ сазды-драма театрында Қазақстан Республикасы Журналистер және Жазушылар одағының мүшесі, Қазақстан Республикасының Құрметті журналисі, «Мәдениет қайраткері», ақын, жазушы Батырбек Мырзабековтың «Жанымның сөзі-жырларым» атты шығармашылық кеші және XXІІ аймақтық «Ұлытау үні» фестивалінің салтанатты жабылуы өткізілді.
 
2012 жылдың 5 наурыз күні Жезқазған қаласының «Екі жұлдыз» мейрамханасында 8 наурыз – Халықаралық әйелдер күніне байланысты қала әкімінің салтанатты қабылдау кеші ұйымдастырылды.
 
2012 жылдың 6 наурыз күні Халықтар достығы мен мәдениет Үйі ғимаратында 8 наурыз – Халықаралық әйелдер күніне байланысты қала жұртшылығына арналған салтанатты мерекелік кеш-концерт өтті.
 
2012 жылдың 3, 4, 10, 11, 17, 18, 24, 25, 31 наурыз күндері Халықтар достығы мен мәдениет Үйі ғимаратында қала тұрғындары мен қонақтарына арнап «Көңілді әуен кештері» бағдарламасы ұйымдастырылды. 

 
 
 
 
Подписка на новости
e-mail:
Қазақша
Русский
English
Рейтинг@Mail.ru